ބ. ކަމަދޫ އާއި ދަރަވަންދޫ ގައި ކުޑަކުދިންގެ ޕާކެއް ހެދުމުގެ މަސައްކަތަށް ބޭނުންވާ ސާމާނު ހަވާލުކޮށްފި އެވެ.
މި ދެރަށާއެކު ޖުމްލަ 14 ޕާކު ތަރައްގީކުރުމަށް ބޭނުންވާ ތަކެތި މިއަދު ވަނީ ހަވާލު ކޮށްފައެވެ.
ގަލޮޅު ދަނޑުގައި މިއަދު ބޭއްވި ރަސްމިއްޔާތެއްގައި ސަރުކާރުގެ ފަރާތުން ތަކެތި ހަވާލުކޮށްދެއްވީ ޔޫތު މިނިސްޓަރު އަހުމަދު މަހުލޫފެވެ. އަދި ރަށްރަށުން ތަކެއްޗާއި ހަވާލުވީ އެ ރަށް ތަމްސީލުކުރާ ރައްޔިތުންގެ މަޖިލީހުގެ މެންބަރެވެ.
އެ ރަސްމިއްޔާތަށް ފަހު މީޑިއާއާ ވާހަކަދައްކަވަމުން މިނިސްޓަރު މަހުލޫފް ވިދާޅުވީ ސަރުކާރުގެ އަމާޒަކީ ހުރިހާ ރަށެއްގައި ކުޑަކުދިންގެ ޕާކުތައް ތަރައްގީކުރުން ކަމަށެވެ.
