“ސެމިނާ އޮން މެނޭޖްމަންޓް ކެޕޭސިޓީ ފޯ ލޯކަލް ކައުންސިލްސް” ގެ ނަމުގައި ބާއްވާ ސެމިނާރއެއްގައި ބައިވެރިވުމުގެ ގޮތުން އޭދަފުށީ ކައުންސިލްގެ ރައީސް ތޮލާލު އަބްދުއްރަހްމާން ރޭ ޗައިނާއަށް ފުރާވަޑައިގެންފިއެވެ.
ޖުލައި 1އިން ފެށިގެން 21ގެ ނިޔަލަށް ޗައިނާގެ ޒިއާންޖީ ކޮލެޖް އޮފް ފޮރިން ސްޓަޑީޒްއިން ކުރިއަށް ގެންދާ މި ސެމިނާރގައި ތޮލާލުގެ އިތުރުން ރަށްރަށުގެ ކައުންސިލަރުންގެ ތެރެއިން 10 ބޭފުޅުން ބައިވެރިވެވަޑައިގަންނަވަާއިރު އެލްޖީއޭ އާއި ރައީސް އޮފީހުގެ ބޭފުޅުންވެސް ބައިވެރިވެ ވަޑައިގަންނަވަ އެވެ.
މި ދަތުރުގައި ޗައިނާގެ ބައެއް ސިޓީތަކުގެ އިތުރުން ބައެއް ޕްރޮވިންސް ތަކަށް ޒިޔާރަތްކުރުމަށްވެސް ހަމަޖެހިފައިވާކަމަށް މައުލޫމާތު ލިބެއެވެ.
