މިއީ ބ. އަތޮޅުގެ އާންމު ރައްޔިތުންގެ ފަރާތުން މިނޫހަށް ލިބޭ ސުވާލުތަކުގެ ތެރެއިން ކަމާބެހޭ އިދާރާތަކުން މައުލޫމާތު ހޯދައި، ކޮންމެ ހޮނިހިރު ދުވަހަކު ގެނެސްދިނުމަށް ހަމަޖެހިފައިވާ ކޮލަމެކެވެ. މިހަފްތާގެ ސުވާލުތައް ޚާއްސަ ކޮށްލަނީ އޭދަފުށީ ކައުންސިލަށެވެ.
ސުވާލު: އޭދަފުށީ ބަނދަރު ސަރަހައްދުގެ އިރުމަތީ ކޮޅުން ދިގު މުއްދަތަކަށް ކުއްޔަށް ދޫކޮށްފައިވާ ގުދަންތަކަށް ގަވާއިދުން ފައިސާ ދައްކާތޯ ؟ ނުދައްކާނަމަ ނުދައްްކަނީ ކޮން ފަރާތަކުންތޯ ؟
ޖަވާބު : ބަނދަރު ސަރަހައްދުގައި ކުއްޔަށް ދޫކޮށްފައިވާ ގުދަންތަކަށް ލިބެންވާ ފައިސާއަކީ އެފަރާތްތަކުން މޯލްޑިވްސް އިންލެންޑް ރެވެނިއު އޮތޯރިޓީއަށް ދައްކަމުން ގެންދަން ޖެހޭ ފައިސާއެކެވެ. އަދި އެފައިސާ ނުދައްކަނީ ކޮންފަރާތަކުންކަމެއް މި ކައުންސިލަކަށް ނޭގެއެވެ.
ސުވާލު : ގުދަންތައް ބޭނުންކުރަމުން ދަނީ އެގްރިމެންޓް ކުރެވިފައިވާ ގޮތާ އެއްގޮތަށް ތޯ ؟ގަވާއިދާ ޚިލާފުވެގެން އެއްވެސް ފަރާތަކާމެދު ފިޔަވަޅު އަޅާފައި ވޭތޯ ؟ ނޭޅިވާނަމަ އެކަން ވެފައިވަނީ ކިހިނެއްތޯ ؟
ޖަވާބު : ގުދަންތައް ބޭނުންކުރަމުން ދަނީ އެގްރިމެންޓް ކޮށްފައިވާ ގޮތަށެވެ. އަދި އެއްވެސް ފަރާތަކުން ގަވާއިދާ ޚިލާފުކަމެއް ކޮށްފައިވާކަމެއް މި ކައުންސިލަކަށް ނޭގެއެވެ.
ސުވާލު : އޭދަފުށީގެ ބަނދަރު ސަރަހައްދުން ވިޔަފާރި އުސޫލުން ބިން ދޫކުރުމަށް ވިސްނާފައި ވޭތޯ ؟
ޖަވާބު :އަދި ވިސްނާފައެއް ނުވެއެވެ.
ސުވާލު : އޭދަފުށީ ވޮއިސް އިން ފޮނުވާ ސުވާލުތަކަށް މައުލޫމާތު ހޯދައި ލިބިގަތުމުގެ ގާނޫނާ ޚިލާފަށް ޖަވާބުދެއއްވުން ލަސްވަނީ ކީއްވެގެންތޯ ؟
ޖަަވާބު : އޭދަފުށީ ވޮއިސް އިން ފޮނުވާ ސުވާލުތަކަށް މި ކައުންސިލުން ޖަވާބު ދޭންޖެހޭ މުއްދަތުގައި ޖަވާބު ދެވިފައިވާނެއެވެ. ބައެއްް ފަހަރު ބޮޑެތި މައްސަލަ ތަކުގައި ޖަވާބު ދިނުން ލަސްކުރެވިފައި ހުރެދާނެކަމަށް މިކައުންސިލުން ގަބޫލު ކުރަމެވެ.
ސުވާލު :އޭދަފުށީ ވޮއިސްގައި ޝާއިއު ކުރި އެއްވެސް ޚަބަރަކާ ބެހޭ މައުލޫމުމާތެއް އެންމެ ފަހުން ބޭއްވި ރައްޔިތުންގެބައްދަލު ވުމުގައި ދޮގު ކުރެއްވިންތޯ ؟ އަދި އެއީ ކޮން މައުލޫމާތެއްތޯ ؟ ތަފްސީލު ދެއްވުން އެދެން .
ޖަވާބު : އެންމެ ފަހުން ބޭއްވި ރައްޔިތުންގެ ބައްދަލު ވުމުގައި އޭދަފުށީ ވޮއިސްގައި ޝާއިއު ކުރި އެއްވެސް ޚަބަރެއް ދޮގުކޮށް މި ކައުންސިލުން ާހަކަ ދައްކާފައެއް ނުވާނެއެވެ.
ޖަވާބު ދެއްވީ : ކައުންސިލްގެ ނާއިބު ރައީސް މުހައްމަދު ނައުރީފް
ރައްޔިތުންގެ އަޑު މި ކޮލަމަށް ސުވާލެއް ފޮނުއްވަން ބޭނުންފުޅުނަމަ މެއިލް ކުރައްވާނީ: [email protected] އަށެވެ.
