ނޭޝަނަލް އިންޓެގްރިޓީ ކޮމިޝަން (އެންއައިސީ) ގެ ނައިބު ރައީސަކަށް، އެ ކޮމިޝަންގެ މެމްބަރު ބ. އޭދަފުށީ ގުލިސްތާނުގޭ ހައްސާން ހަމީދު މިއަދު އިންތިހާބުކޮށްފި އެވެ.
އެންއައިސީގެ ނައިބު ރައީސަކަށް ހައްސާން އިންތިހާބުކުރީ، ކުރިން އެ މަގާމުގައި ހުންނެވި ޔޫސުފް މާނިއު މުހައްމަދު އެ ކޮމިޝަންގެ ރައީސަކަށް އިއްޔެ އައްޔަން ކުރުމުންނެވެ.
އެންއައިސީގެ އާ ނައިބު ރައީސް ހައްސާނަކީ އެސްޓީއޯ އާއި ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ގާނޫނީ ވަކީލަކަށް ވެސް އުޅުއްވި ބޭފުޅެކެވެ.
