ބައިނަލްއަޤްވާމީ ނުކުޅެދުންތެރިކަން ހުންނަ ފަރާތްތަކުގެ ދުވަސް ފާހަޤަކުރުމުގެ ގޮތުން ހދ ކުރިނބީ ކައުންސިލާއި ލޯފަންކުދިންގެ ޖަމްއިއްޔާ (ބީވީއައިއެސްއެމް) ގުޅިގެން ބޭއްވި ދުވުމުގެ މުބާރާތް މިދިޔަ އަހަރުގެ ޗެންޕިއަން އޭދަފުށީ އަންނާރުމާގޭ މުހައްމަދު އަފާޒް ދިފާއުކޮށްފިއެވެ.
ބައިނަލްއަޤްވާމީ ނުކުޅެދުންތެރިކަން ހުންނަ ފަރާތްތަކުގެ ދުވަސް ފާހަޤަކުރުމުގެ ގޮތުން މިދިޔަ އަހަރު ފ. ފީއަލީގައި ބޭއްވި މުބާރާތްވެސް ކާމިޔާބުކުރީ އަފާޒެވެ. ހޮނިހިރު ދުވަހު ކުރިނބީގައި ބޭއްވި ދުވުމުގެ ރޭސް އަފާޒު ކާމިޔާބުކުރީ ލޯފަން 6 ބައިވެރިންނާ ވާދަކޮށެވެ.
އާފާޒް އީވީ އާ ވާހަކަދައްކަމުން ބުނީ މުބާރާތް ޖެހިޖެހިގެން ދެވަނަ އަހަރު ކާމިޔާބުކުރެވުމުން ވަރަށް އުފާވާ ކަމަށާ، އަންނައަހަރުވެސް މިމުބާރާތް ކާމިޔާބުކުރުމަށް އުއްމީދުކުރާ ކަމުގައެވެ. މުހައްމަދު އަފާޒަކީ ލޯފަންކުދިންގެ ޖަމްއިއްޔާ އުފެދުނީއްސުރެ އެޖަމްއިއްޔާގެ އިސްމަގާމްތައްވެސް ފުރަމުން އަންނަ ފަރާތެކެވެ. މިވަގުތު އެޖަމްއިއްޔާގައި އޭނާ އަދާކުރަނީ ހަޒާންދާރެއްގެ މަގާމެވެ.
އީވީގެ ފަރާތުން މުހައްމަދު އަފާޒާށް ތަހުނިޔާ ދަންނަވަމެވެ.