ބ. އަތޮޅު ތައުލީމީ މަރުކަޒުގެ މިއަހަރުގެ ޤުރުއާން މުބާރާތުގެ ނަތީޖާ ފާޅުކުރުމުގެ ޖަލްސާ މިއަދު އެސްކޫލްގައި ބާއްވައިފިއެވެ.
ސްކޫލްގެ 119 ދަރިވަރުން ބައިވެރިވި މި މުބާރާތުގައި ހިތުން ކިޔެވުމުގެ ބައިން އެއްވަނަ ހޯދާފައިވަނީ މުހައްމަދު ނާއިޝް އެވެ. ހިތުން ކިޔެވުމުގެ ބައިން ދެވަނަ ހޯދާފައިވަނީ އަބްދުﷲ ނާއިފް ނަޒީހުއެވެ. ތިންވަނަ ހޯދާފައިވަނީ މަރިޔަމް ނައުޝީން ޝަމީމުއެވެ.
އެކި އުމުފުރާތަކުގެ މެދުގައި ބަހާލައިގެން ކުރިއަށް ގެންދިޔަ މި މުބާރާތުން ބަލައިގެން ކިޔެވުމުގެ ބައިން އެއްވަނަ ހޯދާފައިވަނީ ޝަމާއިލް މުހައްމަދު ނަސީރުއެވެ. ދެވަނަ ހޯދާފައިވަނީ ފާތުމަތު ޔުމްނާ އާތިފް އެވެ. މި ގްރޫޕުން ތިންވަނަ ހޯދާފައިވަނީ އައިޝަތު ޝައިމާއެވެ.
މި މުބާރާތުގައި ފަޑިޔާރުކަން ކުރެއްވި ބޭފުޅުން ވިދާޅުވި ގޮތުގައި މުބާރާތުގެ ބައިވެރިވި ކުދިންގެ ކިޔެވުމަށް ބަލާއިރު އުއްމީދު ތަކެއް އާވާކަމާށާއި ބ.އަތޮޅު ތައުލީމީ މަރުކަޒު އަދި އޭދަފުށްޓަކީ މިރޮގުން މުސްތަގްބަލެއް އޮތް ސްކޫލެއްކަން ގަބޫލު ކުރެވޭ ކަމުގައެވެ. އަދި އޭދަފުށްޓަކީ ގިނަ ޤުރުއާން މުބާރާތްތަކެއް ބާއްވަމުން އަންނަ ރަށެއްކަން ފާހަގަކުރައްވައި އެކަމަށް ތައުރީފުކޮށް ހިތްވަރު ދެއްވިއެވެ.