އޭދަފުށީ ޒުވާނުންގެ ޖަމިއްޔާގެ 25 އަހަރުކުރީގެ ހަނދާންތަކާއެކު މިއަދު ހަވީރު އޭދަފުށީގައި ފުޓްބޯޅަ މެޗެއް ބާއްވަން ނިންމައިފިއެވެ. މި މެޗް އިންތިޒާމްކުރާ ފަރާތުން ހާމަ ކުރި ގޮތުގައި މެޗްގައި ބައްދަލުކުރާނީ އޭދަފުށީ ޒުވާނުންގެ ޖަމިއްޔާއިން ވިދާލި އޭރުގެ ކުޅުންތެރިންނާއި އޭދަފުށިން ހޮވާލެވޭ 35 އަހަރުން މަތީގެ ޓީމެކެވެ.
މެޗާ ބެހޭ ގޮތުން އޭދަފުށީ ޒުވާނުންގެ ޖަމިއްޔާގެ ފުޓްބޯޅަ ޓީމް ގެ މަޝްހޫރު ކުޅުންތެރިޔާ އަދި ދިވެހި ގައުމީ ޓީމަށް ރިހި މެޑެލް ހޯދައިދިން ޓީމްގައި ހިމެނުނު އަބްދުލްވާހިދު ވިދާޅުވީ މި މެޗުން ޝައުގު ކުރުވަނިވި ކަންތައްތަކެއް ފެނިގެން ދާނެކަމަށާއި އެމީހުންގެ އެދުވަހުގެ ހިތްވަރާއި ބުންވަރު ބަލާލަން މިއީ ލިބިގެންދާނެ ރަނުގެ ފުރުސަތެއް ކަމުގައެވެ.
މިމެޗް ފެށުމަށް ހަމަޖެހިފައިވަނީ ހަވީރު 4:15 ގައި ރަސްމީ ބޯޅަދަނޑުގައެވެ.
