ރޯދަ ހަދިޔާއެއްގެ ގޮތުގައި ރައްޔިތުންނަށް މި މަހުގެ ކުނި ބިލް މާފުކޮށް ދޭން ދ. ކުޑަހުވަދޫ ކައުންސިލުން ނިންމައިފި އެވެ.
އެ ކައުންސިލުން މި މަހުގެ 4 ވަނަ ދުވަހު ބޭއްވި އެ ކައުންސިލްގެ 155 ވަނަ ރަސްމީ އާންމު ޖަލްސާ އިން ވަނީ ރައްޔިތުންނަށް ރޯދަ ހަދިޔާއެއްގެ ގޮތުގައި އާންމު ގޭބިސީތަކުގެ މި މަހުގެ ކުނިބިލް މާފުކޮށް ދޭން ނިންމާފައިކަމަށް އެކައުންސިލުން ހާމަކުރެއެވެ.
މި މަހުގެ ކުނި ފީ ޖަމާކޮށްފައިވާ ނަމަ އެފަދަ ގޭބިސީތަކުގެ އަންނަ މަހުގެ ކުނީގެ ބިލަށް އެ ފައިސާ ބަދަލުކޮށް ދެވޭނެ ކަމަށްވެސް ކުޑަހުވަދޫ ކައުންސިލުން ބުންޏެވެ.
