ބ.ކިހާދޫ ހިމެނޭހެން ހަތަރު ރަށެއްގެ ފުޓްބޯޅަ ދަނޑުގައި ޓާފް އެޅުމަށް ސަރުކާރުން ބަޔަކާ ހަވާލުކޮށްފިއެވެ.
މިކަމަށް ޚާއްސަކޮށް ސްޕޯޓްސް މިނިސްޓްރީގައި އޮތް ރަސްމިއްޔާތެއްގައި ޓާފް އެޅުމަށް ހަވާލުކޮށްފައިވަނީ ބ. ކިހާދޫ، މ. މުލި، މ. ވޭވަށް އަދި ގދ. ނަޑެއްލާގެ ފުޓްބޯޅަ ދަނޑުގައެވެ.
މި މަސައްކަތް ހަވާލު ކުރީ މަސައްކަތް ފަށާތާ، 81 ދުވަހުގެ ތެރޭގައި ނިންމަން ޖެހޭ ގޮތަށެވެ.
މި މަޝްރޫއަކީ ކޮންމެ ރަށަކަށް ކުޅިވަރާ ބެހޭ ވުޒާރާގެ ބަޖެޓުން 4،609،431.36 (ހަތަރު މިލިޔަން ހަ ލައްކަ ނުވަހާސް ހަތަރުސަތޭކަ ތިރީސް އެއް ރުފިޔާ ތިރީސްހަ ލާރި) ޚަރަދުކޮށްގެން ކުރިއަށް ގެންދަން ނިންމާފައިވާ މަޝްރޫއެކެވެ.
