އާއްމުކޮށް ސުޕާރީ ކައި އުޅޭ ދިވެހި އަންހެން ކުއްޖަކަށް ދިމާވި ސީރިއަސް މައްސަލައެއް، އައިޖީއެމްއެޗުގެ ރެސްޕިރޭޓަރީ ފިޒިޝަން ޑރ.މުހައްމަދު އިސްމާއީލް، އާއްމުންގެ ސަމާލުކަމަށް ގެންނަވައިފި އެވެ.
ޑރ. މުހައްމަދު މިއަދު ކުރެއްވި ޓްވީޓެއްގައި ވިދާޅުވެފައިވަނީ ފުއްޕާމޭގައި އިންފެކްޝަނެއް އުފެދި، ފެން ހެދިގެން ޒުވާން އަންހެން ކުއްޖަކު ދާދި ފަހުން ޑޮކްޓަރަށް ދެއްކި ކަމަށެވެ. އެ ކުއްޖާގެ ބުރޯންކޮސްކުޕީއެއް ހެދުމުން ފެނުނީ ފުއްޕާމޭގައި ސުޕާރީފުއްތަކެއް ތާށިވެފައި ވަނިކޮށް ކަމަށާއި އެ އެކަމުން ކުއްލި ސިހުމެއް ލިބިވަޑައިގަތް ކަމަށެވެ. އެކަމުގެ ސަބަބުން އޭނާގެ ފުއްޕާމޭގެ ކަނާތްފަޅި ބްލޮކްވެފައި ހުރިކަމަށް ޑރ. މުހައްމަދު އިސްމާއިލް ވިދާޅުވިއެވެ. އެ ކުއްޖާއާ ސުވާލު ކުރުމުން، ވަރަށް ގިނައިން ސުޕާރީ ކައި އުޅުނު ކުއްޖެއްކަމަށް ބުނި ކަމަށް ޑރ.ވިދާޅުވި އެވެ.
A young girl with a serious lung infection with pleural effusion (fluid in chest cavity). When we @Faal_26 @Moxamedalu did bronchoscopy, to our surprise, we found a small piece of supari blocking part of the Rt lung. On inquiry patient revealed eating supari a lot pic.twitter.com/Lux8uNwOIi
— M. Ismail (@drmodismail) November 25, 2022
ބުރޯންކޮސްކުޕީ އަކީ ފުއްޕާމޭގައި މައްސަލައެއް ހުރިތޯ ބެލުމަށް ހޮޅި ލައްވައިގެން ހަދާ ޓެސްޓެކެވެ.
ސުޕާރީ އާއި ދުފުމުގެ ސަބަބުން ސިއްހީ މައްސަލަތައް ދިމާވެދާނެ ކަމުގެ އިންޒާރު ސިއްހީ މާހިރުން ދެމުން ދާއިރު އެއީ ފުއްޕާމޭ ބަލިކަށިވުމާއި، އަނގައިގެ ބަލިތައް އަދި ކެންސަރު ޖެހުމަށްވެސް މަގުފަހިވެދާނެ ކަމަށް ޑޮކްޓަރުން ބުނެއެވެ.
