މިނިވަން 50 ޗެމްޕިއަންޝިޕް ޒޯން 3 ގައި މިއަދު ކުޅެވުނީ ދުވާފަރާއި ހިންނަވަރުގެ މެޗެވެ.
މިއަދު ހަވީރު ހިންނަވަރުގައި ކުޅެވުނު މި މެޗުން 0-4 ގެ ބޮޑު ތަފާތުން މެޗު ކާމިޔާބުކޮށްފައިވަނީ ދުވާފަރު ޓީމެވެ.
ޒޯން3 ގައި މިހާތަނަށް ކުޅެފައިވާ 2 މެޗަށް ބަލާއިރު ދުވާފަރާއި އޭދަފުށްޓަށް ވެސް 3 ޕޮއިންޓްލިބިފައިވެއެވެ. އެހެންނަމަވެސް ލަނޑުގެ ތަފާތުން އެއްވަނައިގާ އުޅެނީ އޭދަފުށްޓެވެ. ހިންނަވަރު ޓީމު ކުޅުނު 2މެޗުންވެސް ވަނީ ބަލިވެފައެވެ.
މި މުބާރާތުގެ މެޗެއް ދެން އޮންނާނީ މިމަހުގެ 12ވަނަ ދުވަހުއެވެ. ހިންނަވަރުގައި ކުޅެން ނިންމާފައިވާ މި މެޗުގައި ބައްދަލު ކުރާނީ އޭދަފުއްޓާ ހިންނަވަރެވެ.