ގިނަ ދުވަސް ތަކަކަށްފަހު ކުރީގެ ރައީސް، އަދި އިދިކޮޅު ލީޑަރު ރައީސް ޔާމީން މާދަމާރޭ ނޫސްވެރިންނާ ބައްދަލު ކުރައްވަން ނިންމަވައިފިއެވެ.
މިއީ ރައީސް ޔާމީން ކުރިން ތަންފީޒު ކުރައްވަމުން ގެންދެވި ޖަލު ހުކުމުން ސަލާމަތްވެ ވަޑައިގަތް ފަހުން ރަސްމީކޮށް ނޫސްވެރިންނާ ބައްދަލުކުރައްވާ ފުރަތަމަ ފަހަރެވެ.
ޕީޕީއެމުން ބުނީ ރައީސް ޔާމީން ނޫސްވެރިންނާ ބައްދަލުކުރައްވަން ހަމަޖެހިފައި ވަނީ މާދަމާ ރޭ 8:30 ގައި މ. ދިމްޔާތުގައި އޮންނާނެ ކަމަށެވެ.
ރައީސް ޔާމީން ނޫސްވެރިންނާ ބައްދަލުކުރެއްވުން.
11 އޮގަސްޓް 2022 ، 20:30ގައި #RY2023 pic.twitter.com/NQkzcQ4nJ4
— Progressive Party of Maldives (@ProgressPartyMV) August 10, 2022
ރައީސް ޔާމީންގެ މައްޗަށް ކުރެވޭ ހިޔާނާތުގެ ދައުވާތަކާ ގުޅޭ ޝަރީއަތްތައް މިހާރު ވެސް ކުރިއަށްދާ އިރު، އަންނަ އަހަރު ބާއްވާ ރިޔާސީ އިންތިހާބުގައި ވާދަކުރައްވަން ވެސް ވަނީ ނިންމަވާފަ އެވެ.
ރިޔާސީ ޓިކެޓް ހަވާލުކުރުމަށް މި މަހުގެ 19 ގައި ހާއްސަ ޖަލްސާއެއް ވެސް ބާއްވަން މިހާރު އަންނަނީ ތައްޔާރު ވަމުންނެވެ.
