އަންގާރަ ދުވަހު އޭދަފުށިން 4 މީހުން ޕޮޒިޓިވް ވުމުގެ އިތުރުން މިއަދު އަނެއްކާވެސް 3 މީހަކު އޭދަފުށިން ކޮވިޑަށް ޕޮޒިޓިވްވެއްޖެ އެވެ.
މި ތިން މީހުންވެސް ޕޮޒިޓިވް ވެފައިވަނީ ހޯމް ކަރަންޓީނުގެ 14 ދުވަސް ފުރިހަމަ ކުރުމަށްފަހު ނެގި ސާމްޕަލް އިންނެވެ.
އޭދަފުށީ ކައުންސިލުން ވިދާޅުވީ ޕޮޒިޓިވް ވެފައިވަނީ 3 އަންހެނުން ކަމަށް އެމީހުން ޕޮޒިޓިވް ވީކަން އެނގިފައިވަނި ރޭ ކަމަށެވެ.
މިއަދު ޕޮޒިޓިވްވި 3 މިހުން ނާއެކު މިހާރު އެދަފުށޫގައި ކޮވިޑްއަށް ޕޮޒިޓިވްވެފައިވާ މީހުންގެ އަދަދު ހަތަކަށް އެރީއެވެ.
ރާއްޖެއިން މި ބަލި ފެނުނުތާ މިހާރު 178 ދުވަސް ވެފައިވާ އިރު ކޮވިޑް-19 ޖެހިގެން 29 މީހުން ވަނި މަރުވެފައެވެ. އަދި ކޮވިޑް-19 އާއި ގުޅިގެން އައިސޮލޭޝަނުގައި 1395 މީހަކު އެބަތިއްބެވެ.
