2020 ވަނަ އަހަރު ބ. އަތޮޅު ތައުލީމީ މަރުކަޒުގެ ގްރޭޑް 11 އަށް ވަންނަން ބޭނުންވާ ކުދިންނަށް ފުރުސަތު ހުޅުވާލައިފިއެވެ.
އޭލެވެލްގެ އެކަޑެމިކް ސްޓްރީމް ތަކަށް ވަދެވޭނެ ޝަރުތު ތަކަކީ އެސް.އެސް.ސީ އިމްތިހާނުގެ ދިވެހި ބަސް ނުވަތަ އިސްލާމިކް ސްޓަޑީޒްއިން ފާސްވުމާއެކު އޯލެވެލް އިމްތިހާނުން މަދުވެގެން 3 މާއްދާއިން ފާސްވެފައިވުމެވެ. އޭގެ ތެރޭގައި ސްޓްރީމް ދެ މާއްދާ ހިމެނެން ޖެހެއެވެ.
ބ.އަތޮޅު ތައުލީމީ މަރުކަޒުގައި މިއަހަރު އޭލެވެލް އަށް ފުރުސަތު ހުޅުވާލާފައިވަނީ ސައިންސް އާއި ބިޒްނަސްގެ މާއްދާތަކެވެ.
އޭލެވެލް ކްލާސްތަކުގެ ކިޔެވުން އަންނަ ފެބްރުއަރީމަހު ތެރޭ ފަށާނެކަމަށް އެސްކޫލުން ބުނެއެވެ.