ބ. މާޅޮހު މެޖިސްޓްރޭޓު ކޯޓު ފަޅާލައި، އެތަނުގެ ތިޖޫރި ވަގަށްނަގައިފި އެވެ.
ފުލުހުން ވިދާޅުވެފައިވަނީ އެ މައުލޫމާތު ފުލުހުންނަށް ލިބިފައިވަނީ މިއަދު 11:30 ހާއިރު ކަމަށާ އެ ކޯޓުން ލެޕްޓޮޕްއަކާއި ތިޖޫރިއެއް ވަގަށް ނަގާފައިވާ ކަމަށް ފާހަގަކުރެވިފައިވާ ކަމަށެވެ. ތިޖޫރީގައި ފައިސާ ހުރި އަދަދު ދެނެގަނެވިފައި ނުވާ ކަމަށްވެސް ފުލުހުން މައުލޫމާތު ދޭކަމަށް ހޯރަ.އެމްވީގައި ބުނެފައި ވެއެވެ.
ފުލުހުން މިހާރު އަންނަނީ އެ ކޯޓުގައި ހަރަކާތްތެރިވަމުންދާއިރު މި މައްސަލަ އިތުރަށް ތަހުގީގު ކުރަމުން އަންނަކަމަށް ފުލުހުން ވިދާޅުވިއެވެ.