ބ.އަަތޮޅު މަދަރުސާގެ ސްކައުޓް ގްރޫޕް ކަމަށްވާ ފަސްޓް ބ.ސްކައުޓް ގްރޫޕުން އެމޭޗަރ ރޭޑިއޯ ބޭނުންކޮށްގެން ފުރަތަމަ ފަހަރަށް ޖޮޓާ ޖޮޓީ (ޖަމްބޮރީ އޮން ދަ އެއަރ އަދި ޖަމްބޮރީ އޮން ދަ އިންޓަނެޓް) ހަރަކާތް ފަށައިފިއެވެ.
ދުނިޔޭގެ ސްކައުޓް ޖަމިއްޔާއިން ކޮންމެ އަހަރަކު އިންތިޒާމު ކުރާ މިހަރަކާތުގައި ބ.އަތޮޅު މަދަރުސާގެ 95 ސްކައުޓުން ބައިވެރިވެއެވެ.
ކޮންމެ އަހަރެއްގެ އޮކްޓޯބަރު މަހެއްގެ ތިންވަނަ ހަފުތާ ބަންދުގައި ދެދުވަހުގެ މުއްދަތަށް ކުރިއަށް ގެންދާ މިހަރަކާތަކީ މޯލްޑިވްސް އެމޭޗަރ ރޭޑިއޯ ސޮސައިޓީ ގެ އެހީތެރިކަމާއެކު ކުރިއަށްގެންދާ ހަރަކާތެއްކަމަށް ދަރަވަންދޫ ސްކޫލުން މައުލޫމާތު ދެއެވެ.
މިހަރަކާތަކީ ސްކައުޓް ދަރިވަރުންނަށް ދުނިޔޭގެ އެކި ސަރަޙައްދުތަކުގައި ހަރަކާތްތެރިވާ ސްކައުޓުންނާއި ގާރލްގައިޑުންނަށް އިންޓަރނެޓާއި އެމޭޗަރ ރޭޑިއޯގެ ޒަރީއާއިން މުވާސަލާތު ކުރުމުގެ ފުރުސަތު ހޯދައިދިނުމުގެ ގޮތުން ހިންގޭ ހަރަކާތެކެވެ.
ޖޮޓާ ހަރަކާތް ފަށާފައިވަނީ މީގެ 60 އަހަރު ކުރިންނެވެ.
