މާލެ ދަތުރު ކުރަނިކޮށް ހިތާދޫ ފަރަށް ސަޕްލައި ދޯންޏެް އަރައިފިއެވެ.
ރ. މުރަވަންދޫ އިން ފުރައިގެން މާލެ ދަތުރު ކުރަނި ކޮށް މިދޯނި ހިތާދޫ ފަރަށް އަރާފައިވަނީ ރޭ ދަންވަރުއެވެ.
އެމްއެންޑީއެފް އިން ވިދާޅުވީ މި ޚަބަރު އެމްއެންޑީއެފަށް ލިބިފައިވަނީ ރޭ ދަންވަރު ކަމަށާ ޚަބަރު ލިބުމާއެކު ކޯސްޓްގާޑު ލޯންޗެއްގައި ޑައިވަރުންނާއެކު ވަނީ އެސަރަޙައްދަށް ގޮސް އެހީތެރި ވާން ފަށައިފައެވެ.
އެމްއެންޑީއެފުން ބުނީ މި ހާދިސާ ހިނގިއިރު އެ ދޯނީގައި ތިބީ ބިދޭސީ ތިން މީހެއްގެ އިތުރުން އެންމެ ދިވެއްސެއް ކަމަށެވެ.
މި ހާދިސާގައި އެއްވެސް މީހަކަށް ގެއްލުމެއް ނުލިބެ އެވެ.
