ރާއްޖޭގައި މުވާސަލާތީއެންމެ ބޮޑު ކުންފުނި ދިރާގުން އާ ޕްރިޕެއިޑް އެއް ތައާރަފް ކޮށް ޕްރީޕެއިޑް ހިދުމަތަށް ހެޔޮ ބަދަލުތަކެއް ގެނެސްފި އެވެ.
ދިރާގުން ބުނީ އަލަށް ތައާރަފްކުރި ޕްރީޕެއިޑްގައި އެންމެ ކަމުދާ އެއްކަމަކީ އޭގައި ކަސްޓަމަރުންނަށް ފަސޭހަވާނެހެން އެންމެ ޕްލޭނެއް ހިމެނުން ކަމަށެވެ. އަދި ކަސްޓަމަރުން ބޭނުންވާ ގޮތަށް ޑޭޓާ، ވޮއިސް އަދި އެސްއެމްއެސް އެޑްއޮންތައް ލިބޭނެ ކަމަށެވެ.
ދިރާގު ޕްރީޕެއިޑްގައި ހިމެނޭ އާ ޑޭޓާ އެޑްއޮންތައް ހިޔާރުކުރުމުން، ޑޭޓާ އެޑްއޮންގެ އެލަވަންސްގެ އިތުރުން ހިލޭ ފޭސްބުކް، ވަޓްސްއަޕް އަދި ވައިބަރ ބޭނުން ކުރުމަށް ސޯޝަލް މީޑިއާ ޑޭޓާ ވެސް ލިބޭނެ ކަމަށް ދިރާގުން ބުނެ އެވެ.
ދިރާގުން ބުނީ މިއިން ކޮންމެ ޑޭޓާ އެޑްއޮންއެއް ހިޔާރުކުރުމުން މި ތިން ސޯޝަލް މީޑިއާ އެޕް ހިލޭ ބޭނުންކުރުމަށް ޑޭޓާ ލިބޭނެ ކަމަށެވެ. އަދި މިއީ ރާއްޖޭގައި އަލަށް ޕްރީޕެއިޑް ޕްލޭން އަކުން މި ފަދަ ހިދުމަމަތެއް ލިބޭ ހަމައެކަނި ޕްލޭން ކަމަށްވެސް ދިރާގުން ބުނެ އެވެ.
މީގެއިތުރުން ދިރާގު އާ ޕްރީޕެއިޑްގައި އެސްއެމްއެސް އެޑްއޮންގެ އިތުރުން ގިނަ ޓޯކްޓައިމް ލިބޭ އެޑްއޮންތައް ވެސް ވަނީ ހިމަނާފައެވެ.
ދިރާގުން އަލަށް ތައާރަފްކުރި ޕްރީޕެއިޑަކީ ކަސްޓަމަރުންގެ ބޭނުންތަކަށް ވަރަށް ބޮޑަށް ބަލައިގެން ކަސްޓަމަރުންނަށް ލުއި ފަސޭހަވާނެ ގޮތަށް ފަރުމާކޮށްފައިވާ ހިދުމަތެކެވެ. އެގޮތުން ޑޭޓާ ހުސްވާން ކައިރިވުމުން އެސްއެމްއެސްއަކުން އެކަން ކަސްޓަމަރުންނަށް އަންގައިދެވޭނެއެވެ. އަދި ދިރާގު މޯބައިލް އެޕް މެދުވެރިކޮށް ދިރާގު ޕްރީޕެއިޑް ކަސްޓަމަރުންނަށް ފަސޭހަކަމާއިއެކު އެޑް އޮންތައް ބައްލަވައިގަނެ، ރިލޯޑް ކޮށް، ބެލެންސް ޗެކްކޮށް އަދި ދިރާގު ޕްރީޕެއިޑް ހިދުމަތް މެނޭޖް ކުރެވޭނެ ކަމަށްވެސް ދިރާގުން ބުނެްއެވެ.
