ފައުންޑޭޝަން އޮފް އޭދަފުށީ ޔޫތު ލިންކޭޖް (ފޭލި ޖަމިއްޔާ)ގެ 16 ވަނަ ޤުރުއާން މުބާރާތުގެ ނަތީޖާ ފާޅުކޮށް ވަނަވަނަ އަށް އައި ފަރާތް ތަކަށް އިނާމު ދިނުމުގެ ޖަލްސާ މިއަދު ބާއްވައިފިއެވެ.
އެދބ.އަތޮޅު ތައުލީމީ މަރުކަޒުގެ ޖަލްސާ ކުރާ ހޯލުގައި ބޭއެްވި މި ޖަލްސާ ޝަރަފްވެރި ކޮށްދެއްވީ ބ.އަތޮޅު ކައުންސިލްގެ ނައިބު ރައީސް އަހުމަދު އަފްރާހު އެވެ.
މި މުބާރާތުން އެއްވަނަ ހޯދާފައިވަނީ އޭދަފުށީ އަވިދޭގޭ މަލިކާ އަޙްމަދާއި ރ. އިނގުރައިދޫ އާހް އަމްނާއު އަހްމަދު ޝާހިދު އެވެ.
މަލިކާ ، މުޅި މުބާރާތުން އެއް ވަނަ ހޯދީ ހިތުން ކިޔެވުމުގެ ބައިންނެވެ. އަދި އަމްނާއު އެއްވަނަ ހޯދީ ފޮތުން ކިޔެވުމުގެ ބައިންނެވެ.
އެއްވަނަ ހޯދި މަލިކާ އަށާއި އަމްނާއު އަށް އިނާމާއި ހަނދާނީ ފިލާ ހަވާލު ކޮށްދެއްވީ ބ.އަތޮޅު ކައުންސިލުގެ ނައިބް ރައީސް އަހްމަދު އަފްރާހު އެވެ.
ހަތަރު ދުވަހަށް ދެމިގެން ދިޔަ މި މުބާރާތުން ހިތުން ކިޔެވުމުގެ ބައިން ދެ ވަނަ ހޯދީ އޭދަފުށީ އޯކިޑްވިލާ ޝާއިން މުހައްމަދު ރިފްޢަތު އެވެ. ތިންވަނަ އަށް ދިޔައީ އޭދަފުށީ ފުނަމާގެ، އަބްދުﷲ ނާއިފް ނަޒީހް އެވެ.
މުޅި މުބާރާތުން ބަލައިގެން ކިޔެވުމުގެ ބައިން ދެވަނަ ހޯދާފައިވަނީ ބ. ތުޅާދޫ ހުދުފަޅު ޔައީސް މުހައްމަދު ސާޖިދުއެވެ. ތިން ވަނަ ލިބުނީ ހިތާދޫ އަސަރީވިލާ އާއިޝަތު ނަޖްލާ އަށެވެ.
މީގެ އިތުރުން އެކި އުމުރު ފުރާތަކުން އެއްވަނަ އާއި ދެވަނަ އަދި ތިން ވަނަ އަށް ހޮވުނު ކުދިންނަށް ވެސް އިނާމާއި ޓްރޮފީ އަދި ހަނދާނީ ލިޔުން ވަނީ ދީފައެވެ.