ސިވިލް ސަރވިސް ކޮމިޝަންގެ ފަރާތުން ސަރުކާރުގެ އޮފީސްތަކުން ދެމުންދާ ޚިދުމަތުގެ ފެންވަރު ރަނގަޅު ކުރުމަށް އެ ތަންތަނުން އިސްނަގައިގެން ކުރާ އުފެއްދުންތެރި މަސައްކަތްތަކުގެ އަގު ވަޒަންކުރުމުގެ ގޮތުން ދެމުން އަންނަ ސިވިލް ސަރވިސް އީޖާދީ އެވޯޑް ބ.މާޅޮހު ކައުންސިލަށް ލިބިއްޖެއެވެ.
ބ. މާޅޮހު ކައުންސިލުން ހިންގާ ”ފެހި ފަހި ގަސްކާނާ މަޝްރޫއަށް ލިބިފައިވަނީ ޚިދުމަތް ދިނުމުގެ ނިޒާމު ހަރުދަނާކޮށް ދެވޭ ޚިދުމަތުގެ ފެންވަރު މަތިކުރުމުގެ ދާއިރާއިން ދޭ ސުވާސާ އެވޯޑެވެ.
ބ.މާޅޮހުގެ އިތުރުން ސިވިލް ސަރވިސް އީޖާދީ އެވޯޑް މިފަހަރު ހަތަރު މުއައްސަސާއަކަށް ލިބިފައިވެއެވެ.
