ދިވެހި ފުލުހުންގެ 85 ވަނަ އަހަރީ ދުވަސް ފާހަގަ ކުުމުގެ ގޮތުން އޭދަފުށީގައި ހުންނަ ފުލުހުންގެ އިދާރާގައި މިއަދު ދިދަ ނެގުމުގެ ރަސްމިއްޔާތު ބާއްވައިފިއެވެ.
މިއަދު ހެނދުނު ބޭއްވި މިރަސްމިއްޔާތުގައި އޭދަފުށީ ޕޮލިސްސްޓޭޝަން ގައި މަސައްކަތް ކުރާ ފަރާތްތަކުގެ އިތުރުން އޭދަފުށީގައި ހުރި ސަރުކާރުގެ މުވައްސަސާތަކުންވެސް ބައިވެރި ވެފައި ވެއެވެ.
ކީރިތި ޤުރްއާނުގެ ބަރަކާތުން ފެށިގެންދިޔަ މި ރަސްމިއްޔާތުގައި ދިދަ ނެގުމަށްފަހު، ފުލުހުންގެ ޢަޒުމް ކިޔުމާއި ދުވަހާއި ގުޅޭގޮތުން ޚާއްޞަ ދުޢާއެއް ކޮށްފައިވެއެވެ. ފުލުހުންގެ އަޒުމް އިސްވެ ކިޔައިދެއްވީ ސާޖެންޓް އަލީރާޝިދު އެވެ. ދުއާ އިސްވެ ވިދާޅުވެ ދެއްވާފައިވަނީ ތާޖުއްދީން ސްކޫލްގެ އިސްލާމް ޓީޗަރ އިބްރާހީމް މުހައްމަދު އެވެ.
މި ރަސްމިއްޔާތަށްފަހު އެ ސްޓޭޝަންގެ ގޯތި ތެރޭގައި ފުލުހުން ހަދާފައިވާ ކުޑަ މައިޒާނެއްކަމުގައިވާ “އެއް ރުއް ޕާކު” ވެސް ވަނީ ހުޅުވާފައެވެ.
