އޭދަފުށި (24 ޑިސެމްބަރ 2017) ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމް މާދަމާގެ ވަގުތެއްގައި އޭދަފުއްޓަށް ވަޑައިގަންނަވާ ގޮތަށް ހަމަޖެހިފައިވާތީ އެމަނިކުފާނަށް މަރުހަބާ ދެންނެވުމުގެ ގޮތުން ރައްޔިތުން ވަމުން އަންނަ ތައްޔާރީތަކަށް ބަލާއިރު މިހާރު މަސައްކަތް ނިމުމަކާ ހަމައަށް ދަނީއެވެ. އެގޮތުން ބަނދަރު ސަރަހައްދުގައި ގައުމީ ކުލަތަކުން ދިދަފަތި ދެމުމާ ރައްޔިތުންނާ ބައްދަލުކުރުމަށް ސްޓޭޖްސަރަހައްދުގައި ހަދާ ވަގުތީ ދަރުބާރުގޭގެ މަސައްކަތްވެސް މިއަދުގެ ނިޔަލަށް ނިމޭނެކަމަށް ލަފާކުރެއެވެ.
