ޔޫރަޕްގެ ފެންވަރު ރަނގަޅު ބޭސް ދިވެހިންނަށް ލިބޭނެ ގޮތް ހަދައިފި

b_p1ODIQZhe7WZyQMwwfTVGqOEW.jpg

ޔޫރަޕްގެ ފެންވަރު ރަނގަޅު ބޭސް ރާއްޖެ ގެނައުމުގެ މަސައްކަތް ފަށައި، “ބަލްކް ޕްރޮކިއުމަންޓް” ސިޔާސަތު ތަންފީޒުކުރަން މިއަދު ފަށައިފި އެވެ.

ސަރުކާރުން ޔޫއެންޑީޕީއާ ގުޅިގެން އެސްޓީއޯ މެދުވެރިކޮށް ރައްޔިތުންނަށް ބޭނުންވާ ފެންވަރު ރަނގަޅު އަދި ރައްކާތެރި ބޭސް ގެންނަން ފަށާފައިވާ ޕްރޮޖެކްޓުގެ ދަށުން ގެނެވޭ ބޭސްތަކަކީ ސީދާ ބޭސް އުފައްދާ ކުންފުނިން ގަނެގެން ގެންނަ ތަކެއްޗެވެ.

އެ ސިޔާސަތުގެ ދަށުން ރާއްޖެއަށް އެތެރެކުރުމަށް ހުއްދަދީފައި ވަނީ އަދި ކުރިއަށް އޮތް ތަނުގައި ވެސް ހުއްދަ ދޭނީ ދުނިޔޭގެ ސިއްހަތު ޖަމިއްޔާގައި ލިސްޓެޑް ނުވަތަ ސްޓްރިޖެންޓް ރެގިއުލޭޓްރީ އޮތޯރިޓީއެއްގެ ރަޖިސްޓްރީ ކޮށްފައިވުމާ އެކު، ޔޫއެންޑީޕީ އަދި އެމްއެފްޑީއޭގެ މިންގަނޑުން ފާސްވެފައިވާ ޕްރޮޑަކްޓްސް ކަމަށް ސަރުކާރުން ބުންޏެވެ.

ބަލްކް ޕްރޮކިއުމަންޓް ސިޔާސަތު މިއަދު ތަންފީޒު ކުރަން ފަށާފައިވަނީ ދެ މަރުހަލާއަކަށް ބަހާލައިގެންނެވެ. އެގޮތުން މިއަދުން ފެށިގެން އެސްޓީއޯ މެދުވެރިކޮށް ހޯލްސޭލް އަދި ރީޓެއިލްކޮށް، ފުރަތަމަ ތައާރަފްކުރެވޭ ހަތް ބޭސް ލިބެން ފަށާނެ އެވެ. އާސަންދަ ނިޒާމު ހިމެނޭހެން ގުޅުންހުރި ހުރިހާ ނިޒާމުތަކަށް ގެންނަންޖެހޭ ބަދަލުތައް ގެންނަން ނިންމާފައިވާއިރު، މި ބަދަލަށް އަހުލުވެރިވެ ތައްޔާރުވުމަށް ވަގުތު ބޭނުންވާ ފަރާތްތަކަށް އެކަށީގެންވާ ވަގުތުދީ، އަންނަ މަހުގެ އެކަކުން ފެށިގެން ހުރިހާ ބަދަލުތަކަށް އަމަލީ ސިފަ ގެންނަން ވަނީ ނިންމާފަ އެވެ.

ޔޫރަޕުން ގެންނަ ބޭސްތަކަށް ވެސް އާސަންދަ ނިޒާމްގެ ތެރެއިން ފުލް ކަވަރޭޖް ލިބޭނެ އެވެ.

ރައްޔިތުންނަށް ފެންވަރު ރަނގަޅު ބޭސް ލިބޭނެ މަގު ފަހިކޮށްދިނުމަކީ ރައީސް ޑރ. މުހައްމަދު މުޢިއްޒުގެ ރިޔާސީ ވައުދެކެވެ.

Share this post

PinIt

‎ޚިޔާލު ފާޅުކުރައްވާ

‎އީމެއިލް އެޑްރެސް ޕަބްލިޝްއެއް ނުކުރާނެ. ‎ކޮންމެހެން ފުރަންޖެހޭ ގޮޅިތައް * ޖަހާފައި


scroll to top