ދިރާގުގެ ހައިސްޕީޑް ފައިބާގެ ހިދުމަތާއެކު ދިރާގު ޓީވީގެ ޚިދުމަތް މިއަދު ތުޅާދޫގައި ރަސްމީކޮށް އިފްތިތާހް ކޮށްފިއެވެ.
ދިރާގު ފައިބާ ބްރޯޑްބޭންޑުގެ ހިދުމަތާއެކު ތުޅާދޫ އަށް 100 އެމްބީޕީއެސްގެ ސްޕިޑުގައި އިންޓަނެޓުގެ ހިދުމަތް ލިބޭނެއެވެ.
ތުޅާދޫ އަށް ދިރާގު ފައިބާ ބްރޯޑްބޭންޑު ހިދުމަތް ތައާރަފުކޮށް އެ ކުންފުނިން ވަނީ މިމަހުގެ ނިޔަލަށް ފިކްސްޑް ބްރޯޑްބޭންޑް ފައިބަރ ކަނެކްޝަން ހިލޭ ގުޅައިދިނުމުގެ ޕްރޮމޯޝަނެއްވެސް ފަށައިފައެވެ. މީގެ އިތުރުން ތިން މަސް ވަންދެން ފައިބާ ބްރޯޑްބޭންޑް ކަނެކްޝަނަކަށް މަހުފީގެ ގޮތުގައި ދައްކާ އަދަދުން 25 ޕަސެންޓް ޑިސްކައުންޓް ދޭގޮތަށް ވެސް އެ ކުންފުނިން ވަނީ ނިންމާފައެވެ.
ތުޅަދޫއަށް މި ޚިދުމަތް ދިނުމުގެ ކުރިން ބ.އަތޮޅުން އޭދަފުއްޓައި ދަރަވަންދޫ އަށްވެސް މި ޚިދުމަތް ދިރާގުން ތައާރަފް ކޮށްދީފައެވެ.
ދިރާގުން ދަނީ ފައިބާ ބްރޯޑްބޭންޑް ހިދުމަތާއެކު 100 އެމްބީޕީއެސް ގެ ހަލުވި ސްޕިޑުގައި އިންޓަނެޓުގެ ހިދުމަތް ދެމުންނެވެ. އަދި އެންމެ ބޮޑު އެލަވަންސްކަމުގައިވާ އެއް ޓީބީގެ ޕެކޭޖެއްވެސް ދިރާގު ކަސްޓަމަރުންނަށް ބޭނުން ކުރެވޭނެއެވެ.
މާލެ ވިލިމާލެ އަދި ހުޅުމާލޭގެ އިތުރުން އިތުރު 41 ރަށަކަށް ހަލުވި ބްރޯޑްބޭންޑު އިންޓަނެޓުގެ ހިދުމަތް ދިރާގުން ދަނީ ފޯރުކޮށްދެމުންނެވެ.
