ދިވެހިރާއްޖޭގެ ގައުމީ ޔުނިވަރސިޓީން ހިންގި މާސްޓަރ އޮފް އެޑިއުކޭޝަން ކޯސް ފުރިހަމަ ކުރައްވައި ބ. އަތޮޅުގެ ދެދަރިން އަތޮޅަށް ފަހުރުވެރި ނަން ހޯދައިދީފިއެވެ.
މިނަން ބ. އަތޮޅަށް ހޯދާދެއްވި ދެފަރާތަކީ ބ. ދަރަވަންދޫ މުހައްމަދު ނާސިހާއި، ބ. ތުޅާދޫ މުހައްމަދު ޝާފިއުއެވެ. މިދެބޭފުޅުންގެ ތެރެއިން ނާސިހްއަކީ ބ. ދަރަވަންދޫގައި ހުންނަ ބ. އަތޮޅު ސްކޫލްގެ ޕްރިންސިޕަލްގެ މަގާމްގައި ހުންނެވި ބޭފުޅެކެވެ. ޝާފިއު މަސައްކަތް ކުރައްވަނީ މޯލްޑިވްސް ސްޕޯޓްސް ކޯޕަރޭޝަންގައެވެ.
މިދެބޭފުޅުންނަށް ދަސްވެނިވިކަމުގެ ސެޓްފިކެޓް ހަވާލުކޮށްދެއްވީ އާދީއްތަދުވަހުގެރޭ ދަރުބާރުގޭގައި ބޭއްވި ރަސްމިއްޔާތެއްގައެވެ.
ޝާފިއުއާއި، ނާސިހްގެ އިތުރުން ބ. އަތޮޅުގެ 3 ބޭފުޅަކަށް އެރަސްމިއްޔާތުގައި މާސްޓަރ ސެޓްފިކެޓް ލިބިވަޑައިގަތެވެ.
ޝާފިއު އާއި ނާސިހްއަށްވެސް އީވީގެ ފަރާތުން މަރްހަބާއާއި ތަހުނިޔާ ރައްދު ކުރަމެވެ.