ބ. ކިހާދޫ (8 ފެބުރުވަރީ 2017) ކިހާދޫ ބަނދަރަކީ ދެހާހުގެ އަހަރުތަކުގެ ކުރީކޮޅު ކިހާދޫ ރައްޔިތުންނާއި، ސަރުކާރުގެ އެހީއާއި، ހެޔޮއެދޭ ފަރާތްތަކުގެ އެހީގައި ހަދާފައިވާ ބަދަރެކެވެ. ބަނދަރު ހެދިތާ ގިނަ ދުވަސްތަކެއް ނުވެ 2004 ވަނައަހަރު މުޅިރާއްޖެއަށް ކުރިމަތިވި ސުނާމީ ކާރިސާގައި ކިހާދޫ ބަނދަރަށް ވަނީ ބޮޑެތި ގެއްލުންތައް ވެފައެވެ. އީވީގެ ފޮޓޯއިން ހަބަރުގައި މިހަފްތާ މިގެނެސްދެނީ ކިހާދޫގެ ބަދަރުގެ ހާލަތު މިހާރު އޮތްގޮތުގެ މަންޒަރުތަކެކެވެ.
ކިހާދޫ އެއްގަމު ތޮށި އަރިއަޅާލައި، ވެއްޓެން ކައިރިވެފައި. ކިހާދޫ ކައުންސިލުން ބުނަނީ ބަނދަރުން އަރާ ފޭބުމުގައި ވަރަށް ބޮޑެތި ތަކްލީފްތަކާ ކުރިމަތިލާން ޖެހޭކަމަށް / އީވީ ފޮޓޯ: ޓީމް އީވީ
ކިހާދޫ އެއްގަމުތޮށި. ލަފާ ފުރުމުގައި ބޮޑެތި ދަތިތަކެއް ކުރިމަތިވޭ / އީވީ ފޮޓޯ: ޓީމް އީވީ
ކިހާދޫ ބަނދަރުގެ އެއްގަމުތޮށިން މިވަގުތު އަރާފޭބުމަށް ބޭނުންކުރާ އެއް ސަރަހައްދު. ބަނދަރު ސަލާމަތް ކުރެވޭނީ އަވަސް މަރާމާތަކަށް ގޮސްގެންކަމަށް ކިހާދޫ ކައުންސިލުން ބުނޭ / އީވީ ފޮޓޯ: ޓީމް އީވީ
