ބިއުޓީގެ ވައްތަރުތަކާއި ސެންޓް އަދި އަންހެނުންގެ ހެދުންތައް ފަރުމާކޮށް އުފައްދައި މާކެޓް ކުރުމަށް މަޝްހޫރު ކުންފުނި ވިކްޓޯރިއާ ސީކްރެޓްގެ މޮޑެލް އިސަބެއްލާ ފޮންޓާނާގެ ކައިވެނި މިމަހުގެ 9ވަނަ ދުވަހު ސޮނޭވާފުށީގައި ކޮށްފިއެވެ.
ސޮނޭވާފުށިގައި އޮތް ކައިވެނީގެ ރަސްމިއްޔާތަށް އެ ރިސޯޓްވަނީ ވަނީ ވަރަށް ބޮޑަށް ނަލަހައްދާލާފައިކަމަށް މަންޒަރު ދުށް ދިވެއްސަކު މައުލޫމާތު ދީފައިވެއެވެ.
އިސަބެއްލާ ކައިވެނިކޮށްފައިވަނީ ވޭތުވެދިޔަ ތިން އަހަރުދުވަސްވަންދެން އެކުގައި އުޅެފައިވާ ލޯބިވެރިޔާ ޑިއޭގޯ ފެރޭރޯއާއެވެ. އޭނާއަކީ މަޝްހޫރު ލަވަކިއުންތެރިއެކެވެ.
ކައިވެނި ހަފްލާގެ ފޮޓޯތަކާއި ވީޑިއޯތައް އިސަބެއްލާ ދަނީ އޭނާގެ އިންސްޓަގްރާމްގައި ހިއްސާކުރަމުންނެވެ.