އެމްޓީސީސި އިން ރާއްޖޭގައި ދެމުން ގެންދާ ފެރީގެ ޚިދުމަތް ފުޅާކޮށް ފެންވަރު ރަނގަޅުކުރުމުގެ ގޮތުން ކުރިއަސް ގެންދާ ޕްރޮގްރާމްގެ ތެރެއިން ބ.އަތޮޅުގެ ފެރީވެސް އިތުރަށް ތަރައްގީ ކުރުމަށް ބޭނުންވާތީ ފެރީ ހޯދަން އިއުލާނު ކޮށްފިއެވެ.
ބ.އަތޮޅާއެކު ނ.ރ.ޅ. ހިމެނޭ ޒޯނަށް ޖުމްލަ 7 ފެރީ ހޯދަން ބޭނުންވާކަމުގައި އެމްޓީސީސީ އިން ބުނެއެވެ.
އެމްޓީސީސީން ބުނީ މިކަމަށް ޝައުގުވެރިވާ ފަރާތްތަކަށް މިކަމާ ގުޅޭ މައުލޫމާތު ދިނުމަށް ބާއްވާ ބައްދަލުވުމެއް މިމަހުގެ ފަސްވަނަ ދުވަހުގެ މެންދުރުފަހު 1:00 ޖަހާއިރު އެމްޓީސީސީ ހެޑްއޮފީހުގެ ހަތްވަނަ ފަންގިފިލާގައި އޮންނާނެ ކަމުގައެވެ.
ބައްދަލުވުމަށް ހާޒިރުވެ މައުލޫމާތު ސާފުކުރުމަށްފަހު މިމަހުގެ 12 ވަނަ ދުވަހުގެ މެންދުރުފަހު 1:00 ޖަހާއިރު އަންދާސީހިސާބު ހުށަހެޅުމަށާއި އަންދާސީހިސާބު ހުށަހެޅޭނީ މައުލޫމާތު ސާފުކުރުމަށް ބާއްވާ ބައްދަލުވުމަށް ހާޒިރުވާ ފަރާތްތަކަށް އެކަނި ކަމަށްވެސް އެމްޓީސީސީން ބުނެއެވެ.
