ރ ވާދޫ ކައުންސިލަކީ ނަމޫނާ ކައުންސިލެއްކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.
ރައީސް ރ. އަތޮޅުގެ ބައެއް ރަށްރަށަށް މިއަދު ކުރައްވަން ފެއްޓެވި ދަތުރުފުޅުގެ ތަފްސީލު ހާމަކުރައްވަމުން ލޯކަލް ގަވަރންމެންޓް މިނިސްޓަރު އާދަމް ޝަރީފް ވިދާޅުވީ ރ. ވާދޫ ކައުންސިލަކީ ނަމޫނާ ކައުންސިލެއް ކަމަށް ރައީސް ވިދާޅުވީ މިއަދު އެރަށު ކައުންސިލާއެކު ބޭއްވެވި ބައްދަލުކުރެއްވުމުގައި ކަމަށެވެ.
ރައީސް އޮފީހުން ބުނީ މި ދަތުރުފުޅުގައި ރ. އަތޮޅުގެ ރަށްތަކުގެ ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާއި، ރަށުގެ މުވައްސަސާތަކުގެ އިސްވެރިންނާ ބައްދަލުކުރައްވައި، އެރަށްރަށުގެ ތަރައްގީއަށް ބޭނުންވާ ކަންކަމާއި، ރައްޔިތުން އެންމެ އެދޭކަންކަމާ ގުޅޭގޮތުން ރައީސް މަޝްވަރާ ކުރައްވާނެ ކަމަށެވެ.
