ގްރޭޑް 8 އަދި 9 ގެ ގެ ދަރިވަރުންގެ އޯލެވެލް އިމްތިހާނު އޮންނާނީ އަންނަ އަހަރު ކަމަށް އެޑިއުކޭޝަން މިނިސްޓްރީން ސްކޫލްތަކަށް އަންގައިފި އެވެ.
އެޑިއުކޭޝަން މިނިސްޓްރީން ރާއްޖޭގެ ހުރިހާ ސްކޫލުތަކަށް ފޮނުވި ސާކިއުލާއެއްގައި ބުނެފައިވަނީ މި އަހަރު ގްރޭޑް އަށަކާއި ނުވައެއްގައި ކިޔަވަމުން އަންނަ ދަރިވަރުންގެ އޯލެވެލް އިމްތިހާނު ބާއްވާ ތާރީޚު އަންނަ އަހަރަށް ފަސްކޮށްފައިވާ ކަމަށެވެ.
އެގޮތުން މިހާރު ގްރޭޑް 9 ގައި ކިޔަވަމުން އަންނަ ދަރިވަރުންގެ އޯލެވެލް އިމްތިހާނު އޮންނާނީ އަންނަ އަހަރުގެ ފެބްރުއަރީ/ މާޗުގަ އެވެ. އަދި 8 ގައި ކިޔަވަމުން އަންނަ ދަރިވަރުންގެ އޯލެވެލް އިމްތިހާނު އޮންނާނީ އަންނަ އަހަރުގެ އޮކްޓޫބަރު/ ނޮވެމްބަރުގަ އެވެ.
ނަމަވެސް މިހާރު ގްރޭޑް 10 ގައި ކިޔަވަމުންދާ ދަރިވަރުންގެ އޯ ލެވެލް އިމްތިހާނަށް އެއްވެސް ބަދަލެއް ނުގެންނަ ކަަމަށް އެ ސާކިއުލާގައި ބުނެފައި ވެ އެވެ. އެ ދަރިވަރުންގެ އިމްތިހާން އޮންނާނީ މެއި/ޖޫންގަ އެވެ.
މީގެ އިތުރުން އަންނަ އަހަރުން ފެށިގެން ސާނަވީ ނިންމާ އިމްތިހާނުތައް ބާއްވާނީ ކޮންމެ އަހަރެއްގެ ވެސް އޮކްޓޯބަރު/ ނޮވެމްބަރުގައި ކަމަށް އެ ސާކިއުލާގައި ބުނެފައިވެ އެވެ.
