ނައިންޓީ ޕްލަސް ގޯލްޑް ކަޕް ފުޓުބޯޅަ މުބާރާތުގައި ކ. މާފުއްޓާއި ބ. އޭދަފުށީ ޓީމު ކުޅުނު މެޗުގައި މާފުށީގެ ކެޕްޓަން އަހްމަދު އަބްދުއްސައްތާރަށް އޭދަފުށީގެ ގޯލްކީޕަރު އަލީ އަޖުފާން އަމްޖަދު ކުރި ނުރައްކާތެރި ފައުލާ ގުޅިގެން ގޯލްކީޕަރު އަލީ އަޖްފާން އަމްޖަދު އެއް އަހަރު ދުވަހަށް ސަސްޕެންޑް ކޮށްފިއެވެ.
އަޖުފާން ކުރި ފައުލުގެ މައްސަލަ ނައިންޓީ ޕްލަސްގެ ޑިސިޕްލިނަރީ ކޮމިޓީން ބެލުމަށްފަހު، ސަސްޕެންޑް ކުރީ ”ވަޔަލަންޓް ކޮންޑަކްޓް“ އަކަށް ފައުލް ވާތީއެވެ. ނައިންޓީ ޕްލަސްގެ މުބާރާތްތަކުން އަޖުފާން އެއް އަހަރަށް ސަސްޕެންޑް ކުރުމުގެ އިތުރުން އަދަބެއްގެ ގޮތުގައި 5،000 ރުފިޔާއިން ވަނީ ޖޫރިމަނާ ވެސް ކޮށްފައެވެ.
އޭގެ އިތުރުން ނައިންޓީ ޕްލަސްއިން ވަނީ މާފުށީގެ ސަޕޯޓަރުން ދަނޑުމައްޗަށް އަރައިހަމަނުޖެހުން ހިންގުމުގެ ސަބަބުން ، އެ މައްސަލަވެސް ބަލައި ފިޔަވަޅު އަޅައިފަ އެވެ. އެ މައްސަލައިގައި މާފުށީ ޓީމު ވަނީ 3،000 ރުފިޔާއިން ޖޫރިމަނާ ކޮށްފައެވެ.