ނަސްރުގެ ދުވަސް: ރަސްމިއްޔާތުތައް ފެށީ ފަތިސް ނަމާދުން

img_md_202411030718081730600288.1502.jpg

ނަސްރުގެ އިހުތިފާލުތައް ފެށުމަށް މިއަދުގެ ފަތިސް ނަމާދުގައި ރައީސް މުހައްމަދު މުއިއްޒު ބައިވެރިވެ ވަޑައިގަންނަވަނީ --- ފޮޓޯ: ރައީސް އޮފީސް

ނަސްރުގެ ދުވަސް ފާހަގަކުރުމަށް ބާއްވާ އިހުތިފާލުތައް މިއަދުގެ ފަތިސް ނަމާދުން ފަށައިފި އެވެ.

ފަތިސް ނަމާދު ކުރުން އޮތީ އިސްލާމީ މަރުކަޒުގައި އެވެ. މި ރަސްމިއްޔާތުގައި ރައީސް މުހައްމަދު މުއިއްޒު އާއި ނައިބު ރައީސް ހުސައިން މުހައްމަދު ލަތީފުގެ އިތުރުން ޑިފެންސް މިނިސްޓަރު ޣައްސާން މައުމޫން އާއި ދިވެހި އަސްކަރިއްޔާގެ ގިނަ އަދަދެއްގެ ބޭފުޅުން ބައިވެރިވެ ވަޑައިގެންނެވި އެވެ.

މީގެ އިތުރުން ހެނދުނު ދިދަ ނެގުމުގެ ރަސްމިއްޔާތެއް ބާއްވާފައިވެ އެވެ. މި ރަސްމިއްޔާތުގައި ރައީސް މުހައްމަދު މުއިއްޒުއާއި އަނބިކަނބަލުން ސާޖިދާ މުހައްމަދު ބައިވެރިވެ ވަޑައިގެންނެވި އެވެ.

ޖުމްހޫރީ މައިދާނުގައި ބޭއްވި މި ރަސްމިއްޔާތުގައި ނައިބު ރައީސް ހުސައިން މުހައްމަދު ލަތީފާއި މަޖިލިސް ރައީސް އަބްދުލްރަހީމް އަބްދުﷲގެ އިތުރުން ކެބިނެޓް ވަޒީރުން ބައިވެރިވެ ވަޑައިގެންނެވި އެވެ.

ނަސްރުގެ ދުވަހަކީ 1988ވަނަ އަހަރުގެ ނޮވެމްބަރު ތިންވަނަ ދުވަހު ރާއްޖެއަށް ދިން އުދުވާނީ ހަމަލާއިން ގައުމު ސަލާމަތް ކުރުމަށް ފުރާނައިން ގުރުބާންވެވަޑައިގެންނެވި ޝަހީދުންގެ ޒިކުރާ އާކުރުމާއެކު މާތް ﷲގެ އިރާދަފުޅާއެކު ދިވެހި ރައްޔިތުންނާއި ސިފައިންގެ ހިތްވަރުން ގައުމަށް ލިބުނު ނަސްރު ފާހަގަކުރާ ދުވަހެވެ.

Share this post

PinIt

‎ޚިޔާލު ފާޅުކުރައްވާ

‎އީމެއިލް އެޑްރެސް ޕަބްލިޝްއެއް ނުކުރާނެ. ‎ކޮންމެހެން ފުރަންޖެހޭ ގޮޅިތައް * ޖަހާފައި


scroll to top