ދިރާސީ އަހަރުގެ ކިޔެވުން ނިންމައި، ދަރިވަރުން ބޮޑު ޗުއްޓީއަށް

DSCN0286.jpg

ބ.އަތޮޅު ތައުލީމީމަރުކަޒުގެ 2021ގެ ދިރާސީ އާއަހަރު ފެށުން --އީވީ ފޮޓޯ

ދިރާސީ އަހަރުގެ ކިޔެވުން މިއަދު ނިންމާލައި ދަރިވަރުންގެ ބޮޑު ޗުއްޓީ މިއަދު ފެށިއްޖެ އެވެ.

2022- 2023 ވަނަ އަހަރުގެ ފަހު ޓާމުގެ ކިޔެވުން ނިންމާލައި މިއަދު ވަނީ ސްކޫލްތަކުގެ ދަރިވަރުންނަށް ރިޕޯޓްފޯމް ދީފައެވެ.

ޗުއްޓީއަށް ފަހު ދެން ކިޔެވުން ފަށާނީ އޮގަސްޓް މަހުގެ ހަ ވަނަ ދުވަހުއެވެ.

އަހަރުގެ މެދުތެރެއަށް ސްކޫލްތަކުގެ ބޮޑު ޗުއްޓީ ބަދަލުކުރި ފަހުން، ބޮޑު ބަންދަކަށް ފަހު އަހަރުގެ މެދު ތެރެއިން ދިރާސީ އާ އަހަރު ފަށާނެ މިއީ ދެވަނަ ފަހަރެވެ.

ޗުއްޓީ މިގޮތަށް ބަދަލު ކުރުމުން ޖޫންޖުލައިގެ ވިއްސާރައާ ދިމާވެ، ޗުއްޓީގެ ބޭނުން ރަނގަޅަށް ނުހިފޭ ކަމަށް ބުނެ ބައެއް ބެލެނިވެރިން ނުރުހުން ފާޅުކުރެއެވެ.

ހަމައެހެންމެ މި ދުވަސްވަރު ޑެންގީ ހުމާއި، އަރިދަފުސް ރޯގާ އަދި ބޭރަށް ހިންގުން އާންމުކޮށް ފެތުރޭ މިންވަރަށްވުރެ އިތުރުވުމުން ޗުއްޓީ ދުވަސްވަރު ވެސް މިފަދަ އާންމު ރޯގާތަކަށް ސަމާލުވުމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން މިއަދު ވަނީ އިލްތިމާސްކޮށްފަ އެވެ.

Share this post

PinIt

‎ޚިޔާލު ފާޅުކުރައްވާ

‎އީމެއިލް އެޑްރެސް ޕަބްލިޝްއެއް ނުކުރާނެ. ‎ކޮންމެހެން ފުރަންޖެހޭ ގޮޅިތައް * ޖަހާފައި


scroll to top