އޭދަފުށިވެސް ހިމެނޭ ގޮތަށް ރާއްޖޭގެ 50 ރަށެއްގައި މިއަހަރު އެޅުމަށް ނިންމާފައިވާ 50 ކައުންސިލު އިދާރާގެ މަސައްކަތް އަންނަ އަހަރަށް ލަސްކޮށްފި އެވެ.
އިދާރީ ދާއިރާ ތަކާ ބެހޭ މިނިސްޓްރީން ހާމަކުރި ގޮތުގައި ޗައިނާގެ އެކީގައި ރާއްޖޭގެ އެކި ހިސާބުތަކުގައި ކައުންސިލް އިދާރާތައް އިމާރާތް ކުރަން ހިންގާ މަޝްރޫއު ފަށާނީ އަންނަ އަހަރުއެވެ.
އެ މިނިސްޓްރީގެ ސްޓޭޓް މިނިސްޓަރު އަހުމަދު ރަޝީދު ވިދާޅުވީ ކުރިން ތާވަލު ކުރެވިފައިވާ ގޮތައް މި އަހަރު މަސައްކަތްތައް ކުރިއަށް ގެންދެވޭ ގޮތްނުވީ ރާއްޖޭގެ އިގްތިސާދީ ހާލަތާ ގުޅިގެން ދިމާވި ބަޖެޓުގެ ތާށިކަމާ ގުޅިގެން ކަމަށެވެ. އެހެންވެ ސަރުކާރުން މިހާރު ނިންމާފައި ވަނީ ޗައިނާ ސަރުކާރުން ދޭ ގްރާންޓެއްގެ ތެރެއިން އަންނަ އަހަރު މަޝްރޫއު ފަށަން ކަމަށް ވިދާޅުވި އެވެ.
ރަޝީދު ވިދާޅުވީ ކައުންސިލް އިދާރާތައް އިމާރާތް ކުރުމުގެ މަސައްކަތް އަންނަ އަހަރުގެ ޖެނުއަރީ މަހުގެ ތެރޭގައި ފެށޭނެ ކަމަށެވެ.
ކައުންސިލް އިދާރާތައް އެޅުމަށް ކަނޑައެޅިފައިވާ 50 ރަށުގެ ތެރެއިން ބ އަތޮޅުން ހިމެނެނީ އޭދަުށީގެ އިތުރުން ކަމަދޫ، ކުޑަރިކިލު، ފެހެންދޫ، ތުޅާދޫ، އަދި ކިހާދޫއެވެ.
