ބ. ފުޅަދޫ ޔޫތު ޑިވެލޮޕްމަންޓް ސޮސައިޓީ އިން ބެލެނިވެރިންނަށް އަމާޒުކޮށްގެން ބެލެނިވެރިކަމުގެ ޕްރޮގްރާމެއް ހިންގައިފި އެވެ.
އިޖުތިމާއީ އަދިއާއިލީ ތަރައްގީއާ ބެހޭ ވުޒާރާއިން ކުރިއަށް ގެންދިޔަ މި ޕްރޮގްރާމުގައި ބެލެނިވެރިއެއްގެ ހައިސިއްޔަތުން ސަމާލުކަން ދޭންޖެހޭނެ ކަންކަމާއި އާއިލީ ދިރިއުޅުމުގައްޔާއި މުޖުތަމައުގައި ހަމަޖެހުން ގެނައުމަށް ކުރެވޭނެ ކަންކަމާއިގުޅޭ ގޮތުން ބައިވެރިންނަށް މައުލޫމާތު ދީފައިވެއެވެ.
ބެލެނިވެރިންނަށް އަމާޒުކޮށްގެން ކުރިއަށްގެންދިޔަ ޕްރޮގްރާމު، އިޖުތިމާއީ އަދި އާއިލީ ތަރައްގީއާ ބެހޭ ވުޒާރާގެ ފަރާތުން ހިންގަވައިދެއްވީ ލީޑް ސޯޝަލް ސަރވިސް ވޯކަރު އަކްރަމް ހުސެއިން އެވެ.
