14ވަނަ މައިލޯ އިންޓަރސްކޫލް ބެޑްމިންޓަން މުބާރާތުގައި ބައިވެރިވި ބ. އަތޮޅު ތައުލީމީ މަރުކަޒުގެ ބެޑްމިންޓަން ޓީމްތައް ކާމިޔާބާއެކު އެނބުރި އައުމުން އޭދަފުށީ ރައްޔިތުންނާއި ބ.އަތޮޅު ތައުލީމީ މަރުކަޒު އަދި ބެލެނިވެރިންެ ގުޅިގެން އެޓީމްތަކަށް ހޫނު މަރްހަބާއެއް ކިޔައިފިއެވެ.
އިއްޔެ ހަވީރު ޓީމްތައް އޭދަފުއްޓަށް އައުމާއެކު އެޓީމްތަކަށް މަރްހަބާ ކިއުމުގެ ގޮތުން ސްކޫލްގެ ވެރިންނާއި ޓީޗަރުންގެ އިތުރުން ރަށުގެ ހުރިހާ ފުރައެއްގެ ވަރަށް ގިނަ ބަޔަކު ފާލަން ކައިރިއަށް އެއްވެ ތިއްބެވެ. އަދި އެކުދިން މުބާރާތުގައި ހޯދި ކާމިޔާބުގެ އުފަލުގައި މާމެލާމެލީގެ ގުލްދަސްތާތައް ވެދުން ކުރަމުން ދިޔައެވެ.
މި މުބާރާތުގައި ބ. އަތޮޅު ތައުލީމީ މަރުކަޒު ހޯދި ކާމިޔާބުތަކުގެ ތެރޭގައި ސްކޫލުން ބައިވެރިކުރުވި 19 އަހަރުން ދަށުގެ ޓީމް އިވެންޓުން މުޅި ރާއްޖެއިން ވަނީ 1ވަނަ ހޯދާފައެވެ. އަދި 14 އަހަރުން ދަށުގެ ޓީމް ޓީމުއިވެންޓުން ވަނީ ރަނަރއަޕްގެ މަގާމް ހޯދާފައެވެ. އަދި 16 އަހަރުންދަށުގެ ޓީމްވެސް މުބާރާތުގައި ސެމީ ފައިނަލާ ހަމައަށް އާދެވުމަކީ އުފަލާއެކު ފާހަގަކުރަންޖެހޭކަމެއްކަމަށް ގިނަ ބަޔަކު ގަބޫލުކުރެއެވެ.
