މާލޭގެ ގެއެއްގައި ގޭސްފުޅިއެއް ގޮވައި އަންހެނަކު ފިހިއްޖެއެވެ.
އެމްއެންޑީއެފް އިން މައުލޫމާތު ދިންގޮތުގައި މި ހާދިސާ ހިނގާފައިވަނީ މ.ބްލޫލައިޓް 6 ވަނަ ފަންގިފިލާގައި ގޭސް ފުޅިން އުނދުނަށް ގުޅާފައި އިން ހޮޅި ބާރުކުރަން އިން ނަޓު ދޫވެފައި ހުއްޓާ އުނދުން ރޯކުރަން އުޅުމުގެ ތެރޭގައި ކަމަށެވެ. މިހާދިސާގައި އެގޭގައި ދިރިއުޅޭ ދިވެހި އަންހެނެއްގެ ހަށިގަނޑުގެ %10 ފިހިފައިވާ ކަމަށް އެންއެންޑީއެފް އިން ބުންޏެވެ.
އެމީހާ އަވަސް ފަރުވާއަށް އައިޖީއެމް ހޮސްޕިޓަލަށް ގެންގޮސްފައިވާ ކަމަށާއި މި ހާދިސާގައި އެގޭގެ ދޮރެއްގެ ބިއްލޫރިގަނޑެއް ތަޅައިގެން ގޮސްފައިވާ ކަމަށް ވެސް އެމްއެންޑީއެފް އިން ބުންޏެވެ.
