މަންމައަށް މަރުގެ އިންޒާރު ދިން މީހަކު ހައްޔަރުކޮށް އޭނަގެ ބަންދަށް މުއްދަތު ޖަހައިފި އެވެ.
އޭނާވަނީ މަންމަގެ އިތުރުން ޅިޔަނަކަށް މަރުގެ އިންޒާރުދީފައެވެ.
މި މައްސަލައިގައި ހައްޔަރުކުރީ ރ. ހުޅުދުއްފާރަށް ނިސްބަތްވާ 41 އަހަރުގެ ފިރިހެނެކެވެ. އެ މައްސަލައިގައި އޭނަ ހައްޔަރުކޮށް، ބަންދާ މެދު ގޮތެއް ނިންމަން ފުލުހުން އޭނަ ކޯޓަށް ހާޒިރުކުރުމުން ކްރިމިނަލް ކޯޓުން ވަނީ މުޖުތަމައުގެ ސަލާމަތާއި ރައްކާތެރިކަމަށްޓަކައި ބަންދަށް 15 ދުވަސް ޖަހައި ދީފަ އެވެ.
ބަންދު އަމުރުގައިވާ ގޮތުން އޭނަ ދޫކޮށްލައިފި ނަމަ ހެއްކަށް ނުފޫޒު ފޯރުވަން މަސައްކަތް ކޮށްފާނެ އެވެ.
