އޭދަފުށީގެ މަގު ހެދުމަށް ބޭނުންވާ ބައެއް މެޝިންތައް މިއަދު އޭދަފުއްޓަށް ގެންނަންފަށައިފިއެވެ. އެގޮތުން މިއަދު ހެނދުނު އޭދަފުއްޓަށް އައި ލޭންޑިންގ ކްރާފްޓެއްގައި ގެނެސްފައިވަނީ މިމަސައްކަތް ފެށުމަށް ބޭނުންވާ ބައެއް މެޝިނަރީސް އާއި އެކަމާ ގުޅޭ އެހެނިހެން ތަކެތިކަމަށް އެމްއާރްޑީސީއިން ބުނެއެވެ.
ސަރުކާރުން މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަނާ އޭދަފުށީގެ 15 މަގެއް ތާރުއަޅައިގެން ހެދުމަށްހަވާލުކޮށްފައިވަނީ މިދިޔަ އަހަރު ޖޫން 16ގައެވެ. އެއް އަހަރުދުވަހުގެ ތެރޭގައި މަސައްކަތް ނިންމާގޮތަށް އެއްްބަސްވުމުގައި އެމްއާރްޑީސީން ސޮއި ކުރުމަށްފަހު އެރަސްމިއްޔާތުގައި އެމްއާރްޑީސީގެ އެމްޑީ އިބްރާހީމް ނަޒީމް ވިދާޅުވީ ލަސްތަކެއް ނުވެ މި މަސައްކަތް ފައްޓާނެކަމަށާއި އެއްބަސްވުމުގައިވާ މުއްދަތަށް މަސައްކަތް ނިންމާލެވޭނެކަމުގެ ޔަގީންކަން އެބައޮތް ކަމުގައެވެ.
އެހެންނަމަވެސް މިމަސައްކަތަށް ބޭނުންވާ ބައެއްތަކެތި އޭދަފުއްޓަށް އެތެރެ މިކުރެވުނީ އަދިކިރިޔާ އެވެ.
33މިލިޔަން ރުފިޔާ އަށް އެމްއާރްޑީސީ އާ ހަވާލުކުރި މަސައްކަތް ނިންމުމަށް އެއްބަސްވެފައިވާ މުއްދަތު އަންނަ ޖޫން 16ގައި ހަމަވާނެއެވެ.
މިމަޝްރޫއުގެ ދަށުން އޭދަފުށީގެ މަގުތަކުގައި ތާރުއަޅާނީ ޖުމްލަ 3.36 ކިލޯމީޓަރުގައެވެ.