މިދިޔަ ހޮނިހިރު ދުވަހު ބޭއްވި އެމްޑީޕީގެ ޗެއާޕާސަންގެ މަގާމަށް ރައީސް ނަޝީދަށް ބޮޑު ތާއީދެއް އޮންނަ ކަމަށް ބުނާ ބ. އަތޮޅުން ވެސް ވޯޓު ކާމިޔާބު ކޮށްފައި ވަނީ ރައީސް ސޯލިހުގެ ތާއީދާއެކު ނުކުންނެވި ފައްޔާޒަށް ކަމަށް ވަގުތީ ނަތީޖާއިން ދައްކައިފިއެވެ.
އެހެންކަމުން މި އިންތިހާބާއެކު ރައީސް ނަޝީދަށް ބ. އަތޮޅުން އޮތް ތާއީދު މިހާރު ނެތްކަން ސާބިތުވެފައިވާ ކަމަށް ގިނަ ބަޔަކު އަންނަނީ ބުނަމުންނެވެ.
ބ. އަތޮޅުގައި ތިން ދާއިރާ އޮންނައިރު ކެންދޫ ދާއިރާ އާއި އޭދަފުށި ދާއިރާގެ ވޯޓު ކާމިޔާބުކޮށްފައި ވަނީ ފައްޔާޒެވެ. ނަމަވެސް ތުޅާދު ދާއިރާއިން 96 ވޯޓުގެ ތަފާތުން އިމްތިޔާޒް ވަނީ ކުރި ހޯއްދަވާފަ އެވެ.
ބ. އަތޮޅުގެ ދާއިރާތަކުން ވޯޓު ބެހިފައިވާ ގޮތް:
ކެންދޫ ދާއިރާ:
އިމްތިޔާޒު ފަހުމީ : 198 ވޯޓު
ފައްޔާޒު އިސްމާއީލް: 391 ވޯޓު
އޭދަފުށީ ދާއިރާ
އިމްތިޔާޒު ފަހުމީ: 234 ވޯޓު
ފައްޔާޒު އިސްމާއީލް: 317 ވޯޓު
ތުޅާދޫ ދާއިރާ:
އިމްތިޔާޒު ފަހުމީ: 430 ވޯޓު
ފައްޔާޒު އިސްމާއީލް: 334 ވޯޓު
މި އިންތިހާބުގައި ބ.އަތޮޅުގެ އިތުރުން ރާއްޖެ ތެރޭގެ ގިނަ ދާއިރާތަކުންވެސް ގިނަ ވޯޓު ހޯއްދެވީ ފައްޔާޒެވެ.
އެހެންކަމުން ރައީސް ނަޝީދަށް ރާއްޖެތެރެއިން ކުރިން އޮތް ބޮޑު ތާއީދު މިހާރު ފަޑުވަމުން އަންނަކަން ވަނީ ސާބިތުވެފަ އެވެ.