ރަމަޟާން މަހާއި ދިމާކޮށް ދިވެހިންގެ އާދައަކަށްވެފައިވާ ”މާހެފުމަކީ“ ބިދުއައެއް ނޫން ކަމަށާއި ރޯދަޔާ ދިމާކޮށް ހިތްތަކަށް އުފާވެރިކަން ގެނައުމަށް ގެޔަށް ދޮންވެލި ލުމާ މާހެފުން ބޭއްވުމަކީ އިސްލާމްދީނާ ފުށުއަރާ ކަމެއް ބުނާ ބުނުމަކީ ސައްހަ ބުނުމެއް ނޫން ކަމަށް ވިދާޅުވި އެވެ.
މިކަމާބެހޭ ގޮތުން ޝައިޚް ޒައިދު ކުރެއްވި ޓްވީޓެއްގައި ވިދާޅުވީ މާހެފުމަކީ ބިދުއައެއް ނޫން ކަމަށެވެ. އެއީ ދިވެހިން ސަގާފީގޮތުން ކުރަމުން އަންނަ ކަމެއް ކަމަށެވެ.
މާހެފުމަކީ ބިދުޢައެއް ނޫން! މިއީ ދިވެހިން ޘަޤަފީގޮތުން ކުރަމުން އަންނަ ކަމެއް! ރޯދަޔާ ދިމާކޮށް ހިތްތަކަށް އުފާވެރިކަން ގެނައުމަށް ގެޔަށް ދޮންވެލި ލުމާ މާހެފުން ބޭއްވުމަކީ އިސްލާމްދީނާ ފުށުއަރާ ކަމެއް ކަމަށް ބައެއް ފަރާތްތަކުން ބުނާ ބުނުމަކީ ޞައްޙަ ބުނުމެއް ނޫން!
— Ali Zaid (@alizaid1000) March 18, 2022
ރަމަޟާން މަހާއި ދިމާކޮށް މާހެފުން ނުވަތަ ތަފާތު ކާއެއްޗެއްސާއެކު ގިނަ ބަޔަކު އެއްތަނަކަށް އެއްވެ ގުޅުން ބަދަހި ކުރުމަކީ ރާއްޖޭގައި މިހާރު ފޯރި އާއެކު ކުރަމުން އަންނަ ކަމެކެވެ.
