މީސްމީހުންގެ ފޭސްބުކް އެކައުންޓުތައް ހެކްކޮށް، ފައިސާ ހޯދަން އެދޭ މައްސަލަތައް އިތުރުވާން ފަަށައިފިއެވެ.
މި ކަން އޭދަފުށީގެ ބައެއް މީހުންނަށްވެސް ވަނީ ދިމާވެފަ އެވެ.
ފޭސްބުކްގައި ގިނަ މީހުން ހިއްސާ ކޮށްފައިވާ ގޮތުން އެކައުންޓް ހެކްކުރުމަށްފަހު މީސްމީހުންނަށް މެސެޖްކޮށްފައި ރުފިޔާ ޓްރާންސްފާ ކޮށްދޭން ހެކަރުން އެދެއެވެ. އަދި 2000 ރުފިޔާއާއި 5000 ރުފިޔާ ފަދަ ބޮޑެތި އަދަދުތައް ޓްރާންސްފާ ކޮށްދިނުމަށްވެސް އެދެއެވެ. މީގެ އިތުރުން، އެކައުންޓް ނަންބަރެއް ދީފައި، އެ ފައިސާ އަނބުރާ ދައްކާނެކަމަށް ބުނެ ގިނަ މީހުންގެ އަތުން ހެކަރުން ވަނީ ފައިސާ ޓްރާންސްފާ ކުރުވާފައެވެ.
ފޭސްބުކް އެކައުންޓް ހެކްކޮށްގެން ފައިސާ ހޯދާ މައްސަލަތަކެއް ފެންމަތިވެފައިވާއިރު، މީގެ ކުރިން އެކި މީސްމީހުންނަށް ފޯނުކޯލު ކޮށްގެންވެސް ފާއިސާ ހޯދަމުން އައެވެ. ނަމަވެސް ހޭލުންތެރިކަމުގެ ގިނަ ޕްރޮގްރާމްތައް ބޭންކުންނާއި އެހެނިހެން މުވައްސަސާތަކުން ހިންގުމާއެކު އެކަމަށް ކޮންމެވެސް ވަރެއްގެ ހައްލެއް ވަނީ ލިބިފައެވެ.
