ކޮވިޑް 19 އާގުޅިގެން މިއަހަރުގެ އެޕްރީލް މަހު 15 ވަނަ ދުވަހުން ފެށިގެން ސަރުކާރުގެ އޮފީސްތައް ބަންދު ކޮށްފައި އޮތުމަށް ފަހު މާދަމާއިން ފެށިގެން ހުޅުވާލާނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ރައީސް ސޯލިހު ކުރެއްވި ޓުވީޓެއްގައި ވިދާޅުވީ ނިއު ނޯމަލްގެ ދަށުން މާދަމާއިން ފެށިގެން ސަރުކާރު އޮފީސްތައް ހުޅުވާނެ ކަމަށެވެ. މީގެ އިތުރުން ފިހާރަތަކާއި، ކެފޭ،ރެސްޓޯރެންޓު ފަދަ ތަންތަން ވެސް މާދަމާއިން ފެށިގެން ހުޅުވުމުގެ ހުއްދަ ދީފައިވާ ކަމަށްވެސް އެމަނިކުފާނު ވިދާޅުވިއެެވެ.
On 1st July 2020 the National Emergency Operations Centre shall cease its operations managing the Maldives’ Covid 19 response. Under new normal rules, government offices will reopen and businesses including shops, cafes, and restaurants can start operations from tomorrow onwards.
— Ibrahim Mohamed Solih (@ibusolih) June 30, 2020
މާލެއިން ކޮވިޑްގެ ކޭސްއެއް ފެނުމާ އެކު، ފާއިތުވި އޭޕްރީލް 15 ވަނަ ދުވަހުން ފެށިގެން މާލެ ސަރަހައްދު ލޮކްޑައުންކޮށް ސަރުކާރުގެ އޮފީސްތައް ބަންދު ކޮށްރާއްޖޭގައި ރައްކާތެރިކަމުގެ ފިޔަވަޅުތައް އެޅި އެވެ. އަދި ބޯޑަރުތައް ބަންދުކޮށް ފަތުރުވެރިކަން ވެސް މުޅިން ހުއްޓުނެވެ.
ނަމަވެސް މިހާރު ކޮވިޑްގެ ހާލަތު ރަނގަޅުވެ އަންނަ މަހުގެ 15 ވަނަ ދުވަހުން ފެށިގެން ރާއްޖޭގެ ބޯޑަރު ވެސް ހުޅުވާލައި ޓޫރިޒަމް ވެސް ފަށާނެ އެވެ.
