ކޮވިޑުން ދިފާއުވުމަށް ވެކްސިން ނުޖަހާ މީހުންނަށް ވިޔަފާރިއާ ގުޅޭ ބައެއް ޚިދުމަތް ނުދޭން އަންގައިފި އެވެ.
އެމިނިސްޓްރީން މިއަދު ނެރުނު ބަޔާނެއްގައި ބުނެފައިވަނި ވެކްސިންގެ އެއްވެސް ޑޯޒެއް ނުޖަހާ މީހުންނަށް މިއަދުން ފެށިގެން ޖިމް ތަކާއި ސެލޫންތަކުން ހިދުމަތް ދިނުން މަނާވާނެ ކަމަށެވެ.
މީގެ އިތުރުން އިމްޕޯޓު މުދާ ވިއްކާ ތަންތަނުންނާއި ކާބޯތަކެތި ވިއްކާ ތަންތަނުންވެސް ވެކްސިން ފުރިހަމަ ނުކުރާ މީހުންނާ މެދު ފިޔަވަޅު އަޅައި ވެކްސިން ފުރިހަމަ ކޮށްފައި ތިބި މީހުންނަށް އިސްކަން ދޭން ވަނީއަންގާފައެވެ.
މީގެ އިތުރުން ރަޖިސްޓްރީކޮށްގެން ހިންގާ ހުރިހާ ކުންފުންޏެއްގެ މުވައްޒަފުން ވެކްސިން ނުޖަހާ ނަމަ މަސައްކަތަށް ނުކުމެވޭނީ ޕީސީއާރު ޓެސްޓު ހަދައިގެން ކަމަށް އިކޮނޮމިކް މިނިސްޓްރީން ބުނެއެވެ.