ކުރިއަށް އިތް ވަގުތު ތަކުގައި ރާއްޖޭގެ ބޮޑު ބަޔަކަށް މޫސުން ގޯސްވާނެ ކަމަށް ލަފާކޮށް ހއ.އަތޮޅުން ފެށިގެން މ.އަތޮޅާ ހަމައަށް މޫސުމާބެހޭ ގައުމީ އިދާރާ (މެޓް އޮފީސް ) އިން ވައިޓް އެލާޓް ނެރެފިއެވެ.
މެޓް އޮފީހުން ބުނީ މި ސަރަހައްދުތަކަށް މިއަދު ހަވީރު 16:00 ފެށިގެން 22:00 އާއި ހަމައަށް ވައި ބާރުވުމާއެކު ކަނޑު ގަދަވާނެކަމަށެވެ.
އަދި ވިލާގަނޑުގައި 19 މޭލާއި 24 މޭލާއި ދެމެދަށް ވައިގަދަވާނެ ކަމަށާއި މި ވަގުތުތަކުގައި ކަނޑު ދަތުރު ކުރާ ފަރާތްތަކުން މޫސުމަށް ސަމާލުވެ ބަލައިގެން އުޅުމަށް މެޓް އޮފީހުން ވަނީ އިލްތިމާސް ކޮށްފައެވެ.