ފެނަަކަ ކޯޕަރޭޝަން އިން “ފުނަރު” ޕްރޮގްރާމް ގެ ނަމުގައި އިންޖީން ރިޕެއަރ އެންޑް މެއިންޓެނެންސް އެޕްރެންޓިޝިޕް ޕްރޮގްރާމް އެއް ފަށަން ނިންމައިފިއެވެ.
ފެނަކަ އިން ބުނީ ފުނަރު ޕްރޮގްރާމަކީ ފެނަކަ ކޯޕަރޭޝަން އިން ފޯރުކޮށްދޭ އަސާސީ ތިން ޚިދުމަތުގެ ދާއިރާއަށް ދިވެހިން ބިނާކުރުމުގެ ގޮތުން ފެނަކަ އިންސްޓިޓިއުޓް ފޯރ ޓްރެއިނިންގ އެންޑް ރިސާޗް އިން ހިންގާ ޕްރޮގްރާމެއެއް ކަމަށެވެ.
ފުނަރު ޕްރޮގްރާމް އިން އިންޖީން ރިޕެއަރ އެންޑް މެއިންޓެނެންސް ގައި ބައިވެރިވާ ފަރާތްތަކަށް ޑީސަލް އިންޖީނުގެ ބައިތައް ކިޔައިދިނުމާއި ޑީސަލް ޖެނެރޭޓަރގެ މެއިންޓެނަންސް މަސައްކަތް ކުރާނެ ތަޖުރިބާ ލިބިގެން ދާނެއެވެ.
ތިން މަސްދުވަހުގެ މުއްދަތަށް ކުރިއަށް ގެންދިއުމަށް ނިންމާފައިވާ މި ޕްރޮގްރާމްގައި 16 އަހަރުން މަތީގެ ދެޖިންސުގެ މީހުންނަށްވެސް ވަނީ ބައިވެރިވުމުގެ ފުރުސަތު ހުޅުވާލާފައެވެ.
ކަރަންޓް ޚިދުމަތުގެ ދާއިރާއިން މީހުން ބިނާ ކުރުމުގެ ސިޔާސަތުގެ ދަށުން ފުނަރު ޕްރޮގުރާމްގައި ބައިވެރިވުމުގެ ފުރުސަތު ވަނީ މިހާރު ހުޅުވާލެވިފައި. މި ޕްރޮގްރާމްގައި ބައިވެރިވާން ބޭނުންވާ ފަރާތްތަކުން 25 ފެބްރުއަރީ 2021 ގެ މެންދުރު 1 ގެ ކުރިން ފޯމް ހުށަހަޅުއްވާ #ފެނަކައިންސްޓިޓިއުޓް pic.twitter.com/GZbc3Vi1Aj
— Fenaka Institute (@FenakaInstitute) February 17, 2021
ފުނަރު ޕްރޮގްރަމްގައި ބައިވެރިވާ ފަރާތްތަކަށް އެލެވެންސް ގެ ގޮތުގައި މަހަކު 3،000ރ ދިނުމަށް ހަމަޖެހިފައިވާކަމަށްވެސް ފެނަކައިން ހާމަ ކުރެއެވެ.
މި ޕްރޮގްރާމްގައި ބައިވެރިވުމުގެ ފުރުސަތު ހުޅުވާލާފައި ވަނީ މިމަހުގެ 25 ވަނަ ދުވަހުގެ ނިޔަލަށެވެ. ފެނަކައިން މައުލޫމާތު ދެއެވެ.
