ކޮވިޑްކޮންތްރޯލް ކުރުމަށް އެންމެނަށް ގޮވާލާ ކަމަށާ މިހާރު ނުކުރެވިއްޖެނަމަ ފަހަކުން ނުވާނެ ކަމަށް ވިދާޅުވެ ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ)ގެ ތަރުޖަމާނު ޑރ. ނަޒްލާ ކަންބޮޑުވެ ވަޑައިގެންފިއެވެ.
ޑރ. ނަޒްލާ މިއަދު ކުރެއްވި ޓްވިޓެއްގައި ވިދާޅުވީ އެނދުމަތި ކުރެވޭ މީހުންގެ އަދަދު ބޮޑުތަނުން އިތުރުވެ، ހޮސްޕިޓަލްތައް ފުރި، އެޑްމިޓް ކުރާނެ އެނދުތައް ވަރަށް ބޮޑަށް މަދުވެފައިވާކަމަށެވެ. އަދި މިއީ ކޮވިޑުގެ އެންމެ ނުރައްކާތެރި ރާޅު ކަމަށް ޔަގީން ކަމާއެކު ދަންނަވަން ކެރޭ ކަމަށް ވިދާޅުވިއެވެ.
“މި ބަލި ކޮންޓްރޯލް ކުރަން އެންމެނަށް ގޮވާލަން، މިހާރު ނުކުރެވިއްޖެނަމަ ފަހުން ނުވާނެ،” ނަޒްލާ ވިދާޅުވި އެވެ.
ހަމަ އެއާއެކު މީގެ ކުރިން ރާއްޖޭގައި ކޮވިޑްގެ ހާލަތު ގޯސް ނުވާ ވަރަށް ހާލަތު ގޯސްވެއްޖެ ކަމަށް ޑރ. ނަޒްލާ ރަފީގު ވިދާޅުވި އެވެ.
I can tell you with absolute certainty that this is the worst wave of Covid19 infections we have had. With hospitalisations alarmingly high & a handful beds remaining, our state is critical.
I once again implore you to help us control this virus. It is now or never.
— Nazla Rafeeg (@nazla_r) February 12, 2021
ނަޒްލާ ވިދާޅުވީ ކޮވިޑުން ރައްކާތެރިވުމަކީ ވަރަށް ވެސް ފަސޭހަ ކަމެއް ކަމަށެވެ. އެގޮތުން ރަނގަޅަށް އަތްދޮވެ، މާސްކު އަޅައި، ތިން ފޫޓް ދުރުމިން ބަހައްޓައިގެން އުޅުމުން މި ބަލި ކޮންޓްރޯލް ކުރަން ފަސޭހަވާނެ ކަމަށެވެ. އަދި އަލާމާތް ފެނިއްޖެނަމަ އެންމެންގެ ރައްކާތެރިކަމަށް ޓަކައި އަވަހަށް ޓެސްޓް ކުރުމަށް ނަޒްލާ ގޮވާލެއްވި އެވެ.
މާލެ ސަރަހައްދުގައި ކޭސްތައް އިތުރުވުމާ ގުޅިގެން މިއަދުވެސް ވަނީ އިތުރު ފިޔަވަޅުތަކެއް އަޅައި ފިޔަވަޅުތައް ވަރުގަދަކޮށްފައެވެ. އެގޮތުން މިއަދުން ފެށިގެން ހަވީރު 6:00 އިން ހެނދުނު 6:00 އަށް މާލޭ ސަރަހައްދުގައި އެއްގަމު އުޅަނދު ދުއްވުން ވަނީ މަނާކޮށްފަ އެވެ. އަދި ކާފިއު ގަޑި އިތުރުކޮށް، ރޭގަނޑު 11:00 އިން ފަތިހު 4:30 އަށް ބޭރުގައި އުޅުން ވެސް މަނާކޮށްފަ އެވެ.
