އޭދަފުށިން އިތުރު ދެމީހަކު ކޮވިޑް-19 އަށް ޕޮޒިޓިވް ވެއްޖެއެވެ.
މިދެމީހުން ޕޮޒިޓިވް ވީކަން އެނގުނީ މާލެއިން އައިސް ކަރަންޓީނު މުއްދަތު ފުރިހަމަކުރުމަށްފަހު ނެގި ސާމްޕަލުންނެވެ.
މައުލޫމާތު ލިބިފައިވާ ގޮތުގައި އެއްގެއެއްގައި ކަރަންޓީނު ވެފައިތިބި މި ދެމީހުންނަކީ 50އަހަރުން މަތީގެ އަންހެނަކާއި ފިރިހެނެކެވެ.
އޭދަފުށީގައި ހޯމް ކަރަންޓީނުގައި ތިބި ދެމީހަކު މިދިޔަ ހަފްތާ ވެސް ވަނީ ކޮވިޑަށް ޕޮޒިޓިވް ވެފައެވެ.
މިހާތަނަށް އޭދަފުށިން ކޮވިޑް 19 އަށް 21 މީހަކުޕޮޒިޓިވްވެ 17 މީހަކު ވަނީ ބަލިން ރަނގަޅުވެފަ އެވެ.
