ދިރާގުގެ ކަސްޓަމަރުންނަށް އިންޓަނެޓް ލިބުމުގައި ދަތިތަކެއް ކުރިމަތިވެއްޖެއެވެ.
ދިރާގުން ބުނީ ޓެކްނިކަލް މައްސަލައެއްގެ ސަބަބުން އެ ކުންފުނީގެ މޯބައިލް އަދި ފިކްސްޑް ބްރޯޑްބޭންޑް ކަސްޓަމަރުންނަށް އިންޓަނެޓް ހިދުމަތް ލިބުމުގައި ދަތިތައް ކުރިމަތިވެދާނެ ކަމަށެވެ.
Due to a technical issue some customers are facing difficulty in using mobile and fixed broadband internet. We are working to rectify the issue at the earliest. Apologies for the inconvenience.
— Dhiraagu (@Dhiraagu) August 17, 2020
އާއްމު ގޮތެއްގައި ފިކްސްޑް ބްރޯޑް ބޭންޑް އިންޓަނެޓުގެ ހިދުމަތްތަކަށް ބުރޫ އަރަނީ ސަބްމެރިން ކޭބަލްއެއްގައި މައްސަލަ ޖެހިގެނެވެ. ނަމަވެސް މި ފަހަރު މައްސަލަ ދިމާވި ސީދާ ސަބަބެއް އެ ކުންފުނިން ބުނެފައެއް ނުވެ އެވެ.
މި މައްސަލަ ހައްލު ކުރުމަށް ދިރާގުން ދަނީ މަސައްކަތް ކުރަމުންނެވެ. އަދި އިންޓަނެޓް ލިބުމުގައި ދިމާވެދާނެ ދަތިތަކަށް އެ ކުންފުނިން ވަނީ މައާފަށް އެދިފައެވެ.
