ބ. އޭދަފުށިން ކޮވިޑް-19 އަށް މީހަކު ޕޮޒިޓިވުވެ އެރަށް މޮނިޓަރިންނަށް ލައިފިއެވެ.
ކޮވިޑް-19 އަށް ޕޮޒިޓިވުވެފައިވަނީ ބަލީގެ އަލާމަތްތައް ފެނިގެން ޑޮކްޓަރަށް ދެއްކި މީހެއް ކަމާއި އެމީހާއަކީ އުމުރުން 50އަހަރުންމަތީގެ އަންހެނެއްކަމަށް މައުލޫމާތު ލިބިފައި ވެއެވެ.
އެމީހާ ޑޮކްތަރަށް ދައްކަން ދިޔައީ މިއަދު މެންދުރު އެވެ. އަދި ނަތީޖާ ލިބުނީ މިއަދު 3:00 ހާއިރު އެވެ.
ކޮންޓެކްޓް ޓްރޭސިން ހެދުމުގެ މަސައްކަތް މިހާރު ކުރިއަށް ދާއިރު އެރަށަށް އަރައި ފޭބުން މިވަގުތަށްވަނީ މަނާކޮށްފައެވެ.
އޭދަފުށިން ކޮވިޑް-19 އަށް މީހަކު ޕޮޒިޓިވުވެފައި މިވަނީ ބ. މާޅޮހުންވެސް ދެ ފަތުރުވެރިން ކޮވިޑް-19 އަށް ޕޮޒިޓިވުވެ އެރަށް މިދިޔަ ހޮނިހިރު ދުވަހު މޮނިޓަރިންނަށް ލައިފައި ވަނިކޮށެވެ.
ކޮވިޑް-19ގެ ކޭސްތައް އަތޮޅުތެރޭގައި އިތުރުވާން ފަށާފައިވާއިރު އިއްޔެ އަތޮޅުތަކުންވަނީ ކޮވިޑް-19 އަށް ޕޮޒިޓިވުވި 70މީހުން ފެނިފައެވެ.
